Tuesday , October 16 2018
Breaking News
You are here: Home / Showbiz / Ang Pambansang Third Wheel, bagong timpla na walang masyadong satsatan
Ang Pambansang Third Wheel, bagong timpla na walang masyadong satsatan

Ang Pambansang Third Wheel, bagong timpla na walang masyadong satsatan

ANG guwapo at ang ganda nina Sam Milby at Yassi Pressman sa pelikulang Ang Pambansang Third Wheel produced ng Viva Films at line produced ng IdeaFirst Company.

Ito ang napansin namin sa unang mainstream movie ni Direk Andrew Ivan Payawal na hindi nawawala ang ngiti nang batiin siya sa ginanap na premiere night nitong Martes sa SM Megamall Cinema 7.

Iisa ang napansin ng mga nakapanood sa pelikula, ang glossy, maayos ang mga anggulo, at lahat ng artista ay maayos ang mga kuha kesehodang nasa awkward moments sila.

Si direk Ivan din ang sumulat ng script at ang kuwento ay tungkol sa pamilya ni Yassi na sina Al Tantay at FrancinePrieto na nagkahiwalay na umaasa ang tatay na isang araw ay babalik din ang ina ng tahanan na nangyari naman sa ending.

READ MORE:  Sarah G ng Barcelona na si Martina Ona in-demand sa concerts at release na ang CD album (Carmi Martin feel na feel ang role sa “Love Me Tomorrow”)

Bagama’t sa ama lumaki si Yassi ay hindi niya naramdaman na wala ang ina dahil busog siya sa pagmamahal at pag-aasikaso.

Nakatatlong boyfriend na si Yassi pero hindi nagtatagal kaya parati siyang third wheel sa mga kaibigan niyang may mga love life.

Nakilala ni Yassi si Sam na nag-apply sa kompanya nila eventually ay kapitbahay pala niya. Nagkagustuhan ang dalawa at nagsimula ang conflict nang malaman ng dalaga na may anak (Alonzo Muhlach) sa pagka-binata ang lalaking mahal niya.

Ang amang si Al ang naging sumbungan ni Yassi ng problema niya kay Sam bukod sa mga kaibigan at ka-opisina.

Laging bilin ng ama sa dalaga, “kapag mahal mo, ipaglaban mo at huwag kang susuko!” Dahil nga pakiramdam ni Yassi ay talunan na siya dahil mas pinili ni Sam ang anak kaysa kanya.

READ MORE:  Lea, iginiit na ‘di pa raw malaya ang ‘Pinas

Nang magtungo na ng Canada si Sam para samahan ang anak at ina nitong si Sam Pinto ay sinabihan siya ni Yassi, “mas masarap magmahal kapag puwede na” na ibig sabihin kapag wala ng sabit o problema sa parte ng binata.

Bumalik ng Pilipinas si Sam at pinagtiyagaang ligawan muli si Yassi at pagkalipas ng ilang linggo, base sa mga nalantang puting rosas na inilalagay ng binata sa tabi ng gate ng bahay ng dalaga ay napasagot ulit niya.

Happy ending ang kuwento ng Ang Pambansang Third Wheel at maraming magkakagusto kung kapareho ng kuwento ng buhay nina Neo (Sam) at Trina (Yassi) ang pelikula.

READ MORE:  Teetin Villanueva, sikat na; postings mino-monitor

In fairness, walang maraming talakayan o satsatan ang pelikula na umay na umay na ang moviegoers kaya naghahanap sila ng bagong timpla dahil naniniwala pa rin ang karamihan kasama na kami na mas maganda pa rin na maraming characters ang kasama at hindi ‘yung dalawang tao lang ang nag-uusap at nagbobolahan sa kabuuan ng kuwento na pati mga lantang bulaklak at mga insekto ay tinalakay na.

Suportahan sina Sam at Yassi sa Ang Pambansang Third Wheel mula sa Viva Films at IdeaFirst Company na palabas na simula kahapon sa lahat ng sinehan.

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved