Categories: Showbiz

Premiere ng pelikula ni Paolo, ‘di nasipot ng Dabarkads

HINDI nakarating ang Dabarkads ni Paolo Ballesteros sa ginanap na red carpet premiere ng pelikula niyang Amnesia Love sa SM Megamall Cinema 7 nitong Lunes dahil mga puyat sa taping ng Lenten episode ng Eat Bulaga.

Say ni Paolo, “okay lang na wala sila, parati naman nilang suot ang Amnesia Love t-shirt, sapat na ‘yun, napapanood naman sa ‘Eat Bulaga’. At saka araw-araw nilang ipino-promote sa ‘Eat Bulaga’.

“Umaga na kasi sila natapos sa taping ng Lenten episode tapos may pasok pa kami, kaya naiintindihan ko na wala sila, lalo na sina Jose (Manalo), Wally (Bayola) at Maine (Mendoza).”

Inimbitahan naman ng aktor ang mga nabanggit kaya alam niyang hindi makararating dahil nagpasabi na.

Tinanong namin kung inimbitahan din niya ang mag-ina niyang nasa Baguio ngayon.

“Oo, pero hindi puwede kasi may pasok si bagets. Mapupuyat at Baguio pa sila manggagaling. I’m sure naman panonoorin nila itong movie sa Baguio,” katwiran ni Paolo.

May eksenang ikinasal sina Paolo at boyfriend niyang si Polo Ravales kaya tinanong kung pabor ang aktor na payagan na sa bansa na ikasal ang dalawang kasarian.

“Oo naman, bakit hindi,” nakangiting sabi nito.

At pabor din siya sa divorce bill na isinusulong ngayon, “para hindi na mag-suffer ang isa’t isa kung hindi na sila magkasundo, ‘di ba? Bakit patatagalin pa ang agony.”

Anyway, palabas na ngayon ang Amnesia Love sa lahat ng sinehan nationwide na prodyus ng Viva Films at idinirehe ni Albert Langitan.

Pawang halakhak ang mga narinig namin sa Cinema 7 habang pinanonood ang pelikula lalo na ang aming patnugot na si Ateng Maricris dahil puro katatawanan ang mga eksena nina Paolo bilang si Kimmer/Macky at Vandolph.

Tungkol sa pagiging bakla ni Paolo ang kuwento ng Amnesia Love na nagkaroon siya ng amnesia matapos maaksidente at napadpad sa isang isla na walang internet kaya ang mga tao roon ay hindi siya kilala.

Anak ng mag-asawang kumupkop kay Paolo si Yam Concepcion bilang si Doray na sa tagal nilang pagsasama sa isla ay nagkagusto siya sa guwapong binata na walang duda kung bakla o hindi.

Hanggang sa bumalik ng Maynila si Yam at saka ipinost ang litrato ni Paolo sa social media at dito nalaman ng kaibigan niya na nawawala nga at isa siyang bading na ayaw paniwalaan ng dalaga.

Pinakitaan ng mga ebidensiyang bakla si Paolo at hindi pa rin matanggap ni Yam kaya kaagad siyang bumalik ng isla para sabihing buntis siya sa takot na iwan siya.

Glossy at maayos ang pagkakalatag ng kuwento ng Amnesia Love at kung gusto ninyong mawala sandali ang problema ninyo at gusto ninyong maaliw ay bagay ang pelikula nina Paolo at Yam kasama sina Polo, Vandolph, Maricel Morales, Lander Vera Perez, Geleen Eugenio at iba pa mula sa Viva Films na palabas na ngayong araw, Pebrero 28.

FACT SHEET
ni Reggee Bonoan

COMMENTS
Reggee Bonoan

Share
Published by
Reggee Bonoan

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

23 hours ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

23 hours ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

23 hours ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

23 hours ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

24 hours ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

24 hours ago