Thursday , December 13 2018
Breaking News
You are here: Home / Opinion / Peace & order enforcers numero unong manggugulo
Peace & order enforcers numero unong manggugulo

Peace & order enforcers numero unong manggugulo

HINDI na tayo nagtataka kung bakit mainit ang ulo ni NCRPO chief, P/Dir. Oscar Albayalde sa Manila Police District (MPD).

Noong araw ang tawag sa pulisya ng Maynila, Manila’s Finest. Ang tawag noon ay Western Police District  (WPD). Iba ang performance ng mga lespu noon — achievers.

Marami man tayong narinig na pagkakasangkot sa ilang ilegal na gawain, natatabunan ito ng mas makabuluhang pagganap sa kanilang gawain at tungkulin ng mga pulis-Maynila.

Pero ngayon, sa araw-araw na pagbabasa natin ng pahayagan, kitang-kita na malayong-malayo ang performance ng Manila Police District (MPD) sa Quezon City Police District (QCPD).

E paanong hindi?! E mayroong mga pulis ang MPD na imbes magpatupad ng peace and order, e sila pa ang nangunguna sa panggugulo.

At ang paborito nilang guluhin, ang mga establisyemento o negosyong kahit maliliit ay nagbibigay ng hanabuhay sa ating mga kababayan.

Ilan sa mga lespu na ‘yan, ang apat na pulis ng Adriatico PCP sa ilalim ng Malate Police Station (PS9).

READ MORE:  Kilusan sa Kapayaan at Kawastuhan (KKK)

Ang modus operandi ng nasabing mga pulis na ang isa ay may name tag na Robles, papasok sa mga resto/bar na pinupuntahan ng ilang young professionals (yuppies). Kunwari ay sasabihing  may natanggap na reklamo saka sisipat-sipatin ang mga customer.

Walang pangalawa sa kabastusan ‘yang grupo ni Robles. Bukod sa pagsipat-sipat sa mga customer, tumuntong pa sa isang silya kahit may mga customer na nakapuwesto sa isang mesa.

At ginagawa nila ‘yan habang suot ang kanilang uniporme at nakasukbit ang baril.

Nang mapansin na sinisipat ang kanilang name tag, aba biglang nagsitalikuran.

Asap na kay tatapang ng mga pulis na ‘yan, pero ang kaya lang palang sindakin ay mga simpleng sibilyan.

Hay naku, ayaw na ayaw ni Tatay Digong nang ganyan.

Bakit hindi ninyo gamitin ang mga tapang ninyo sa mga terorista?! Doon sa Marawi dapat ka­yong ipadala para doon masubukan ang mga ga­ling ninyo at tapang.

READ MORE:  Antipolo politics: Labanang David and Goliath

Pero huwag kayong mag-alala dahil mukhang gigil na sa inyo si NCRPO chief, P/Dir. Oca Albayalde. Malamang bigla na lang kayong ipadala sa Magunidanao o kaya ay sa Marawi.

P/Dir. Oscar Albayalde Sir, pakisipat po ang mga abusadong pulis sa Maynila.

‘Yun lang po.

MEDICAL MISSION
& RELIEF DISTRIBUTION
NG MIAA SA BICOL 
MALAKING TULONG

UMABOT sa 1,500 pamilya ang benepisyado ng Manila International Airport Authority (MIAA) sa ginawa nilang relief distribution and medical mission kabilang ang free haircut nitong Sabado sa mga apektado ng pag-aalboroto ng Mayon Volcano sa Anislag, Daraga, Bicol, isa sa mga evacuation site.

Pinangunahan ni MIAA General Manager Ed Monreal kasama ang iba pang opisyal sa pama­mahagi ng 4 kilo ng bigas, 2 galon ng distilled water, 5 piraso ng assorted canned goods, isang kumot, isang banig at timba.

READ MORE:  Administrator ng Pasay Cemetery, nahaharap sa patong-patong na kaso? (PART 2)

Ang nasabing gawain ay bilang bahagi ng ika-36 anibersaryo ng MIAA sa pakikipagtulu­ngan ng Air 21, Cargohaus, Philippine Army, Manila Chinatown, Lionsclub, Radio Emergency Communication Operations Network Philippines Inc. (RECOM) at iba pang local government units (LGUs).

Bahagi rin umano ito ng “corporate social responsibility in-line with the anniversary.”

Sa kabuuan, nakapamahagi sila ng 6,000 kilos ng bigas; 3,000 galon ng distilled water; 7,500 piraso ng assorted canned goods; 1,500 praso ng kumot; 1,500 piraso ng banig at 1,500 piraso ng plastic na timba

Lahat ‘yan ay nagkasya sa dalawang Air 21 delivery trucks na umalis noong Biyernes patungong Anislag, Daraga Bicol.

Good job, GM ED Monreal! Mabuhay ka!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved