Friday , September 21 2018
Breaking News
You are here: Home / Showbiz / KathNiel, ‘ginulo’ ang Frontrow event
KathNiel, ‘ginulo’ ang Frontrow event

KathNiel, ‘ginulo’ ang Frontrow event

NALULA kami sa sobrang dami ng tao noong Linggo ng hapon sa SMX Convention Center para sa Frontrow Universe event ng Frontrow at sa launching ng KathNiel bilang ambassador nito.

Ayon kay RS Francisco, isa sa may-ari ng Frontrow, ”Maraming nag-last minute na nagpunta. ‘Yung SMX nagagalit na dahil hindi na kasya, puno na, ang haba pa ng pila sa labas, paikot na. Nakapila na hanggang sa likod, nasa loading section na ang tao.”

Kaya naman nang ipakilala na sina Daniel Padilla at Kathryn Bernardo bilang ambassador ng Frontrow, nagtakbuhan patungong stage ang tao. ”Nagtutulakan na. I had to intervene and stop kasi punong abala talaga ako sabi ko kakalimutan ko muna kung ano ako.”

At kahit nakaupo na ang mga Frontrow members, kitang-kita ang grabeng energy ng mga ito.

READ MORE:  Pag-uugnay kina Daniel at Liza, ikinagalit ng fans

Hindi na nagawang umakyat pa nina Daniel at Kathryn para sana sa presscon sa Meeting Room 10 dahil nagkakagulo ang mga tao. Hinintay namin sila ng tatlong oras at umalis lamang kami nang sabihan kaming imposible na talagang makaakyat ang dalawa.

Ayon sa ilang blogger na bumaba sa Frontrow Universe event, nakatatakot ang sobrang dami ng tao na any moment ay puwedeng magka-stampede at puwedeng ikamatay ng mga naroroon.

READ MORE:  Jermae Yape, mag-aala-Sarah, KZ, at Adelle

Samantala, nagpahayag naman ng kasiyahan si Kathryn bilang pinakabagong endorser ng Frontrow, ”We’re very happy for being here tonight. Thank you so much dahil sa pag-welcome sa amin bilang bagong family. It’s a very special night working with RS and Boss Sam (Samuel Verzosa Jr., )and para makasama sa family na ito, were very excited para sa future project namin and excited na ako na mai-promote sa mas maraming tao pa.”

Masaya rin sa Daniel sa bagong endorsement na ito, aniya, ”Salamat sa pagbibigay sa amin ng pagkakataon na maging parte ng Frontrow, sa napakalaking pamilya na ito. Maraming-maraming salamat.”

Sa kuwento ni RS, Baby Kath ang tawag niya kay Kathryn dahil nakasama na niya ito before sa isang serye.”Kung dati inaalagaan ko na siya kasi kinakandong-kandong ko nga, ganoon din ang ibibigay na alaga ng Frontrow kay Kathryn. Mas aalagaan pa namin siya.”

 

READ MORE:  RS, balik-entablado

 

 

 

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved