Thursday , March 28 2024

3,500 toneladang ginto nailabas sa PH ng LP

HINDI fake news ang paratang na nakapaglabas ng 3,500 metriko tonelada ng ginto mula sa ating bansa sina dating pangulong Benigno Aquino III, Senador Leila de Lima at Franklin Drilon at ilang miyembro ng kanyang Gabinete bago matapos ang termino.

Ipinagtataka ng advocacy group na Lakap Bayan partikular si ex-Col. Allan John Marcelino kung bakit ‘nanahimik’ ang Transnational-Anti Organized Crime Intelligence Group (TAOC-IG) na nagkompirmang may sapat na ebidensiya at dokumentong magpapatunay na may ibiniyahe at naidepositong 3,500 metriko tonelada sa “Bank of Bangkok sa Thailand.”

Matatandaang sa ekslusibong panayam ng UNTV kay Dr. Galma Arcilla na director general ng TAOC-IG , ibinunyag na hindi peke ang mga dokumentong nakuha nila at kaya niyang tumayo sa korte.

Ani Arcilla: “Hindi puwedeng maging peke ‘yun dahil may mga central bank po tayo na nakatayo mismo riyan at nakahandang ibuyangyang (ibunyag) ‘yung lahat, lalo pa namin palalakasin at ibibigay pa namin ang mga ebidensiya rito.”

Kinasuhan sina Aquino III sa Office of the Ombudsman dahil sa gold shipment na nagkakahalaga ng US$141 bilyon kasama sina De Lima, Drilon, dating DILG Secretary Manuel “Mar” Roxas II, Bangko Sentral ng Pilipinas Governor Amando Tetangco Jr., dating Finance Secretary Cesar Purisima at Treasury Department Chief Dealer Lorelei Fernandez pero hanggang ngayon ay hindi pa nauumpisahan ang paglilitis.

Ani Marcelino, kinasuhan sina Aquino at lima pa nina Atty. Fred Perito at testigong si Roger Cantoria na dating empleyado ng BSP para marekober ang gintong sapat na para matapos ang lahat ng proyekto ni Pangulong Rodrigo Duterte ngunit biglang binalewala ang isyu o kaso ng Malacañang at inasikaso ang pagpapakulong kay De Lima.

Ikinalungkot nga ni Arcilla ang kawalang suporta ng Malacañang dahil ilalabas sana ng TAOC-IG ang lahat ng ebidensiya sa Anti-Graft and Corruption National Summit pero isang ahensiya ang humarang sa mga alkalde na dumalo.

“Kaya nga lang noong ilabas po namin ito may isang agency halimbawa nag-file ng kaso si Atty. Perito tapos saka naman lumabas ‘yung mga advisory sa mayor na huwag umattend dito,” diin ni Arcilla.

Nakompirma ni Marcelino na nakipagsabwatan na umano ang pamahalaang Duterte sa nakaraang administrasyon ni Pangulong Aquino para ‘patayin’ ang istorya sa 3,500 metriko toneladang ginto para ‘lihim’ na makuha ng mga grupong nabanggit.

Kinondena ng Lakap Bayan ang paglalabas ng mga lider ng Liberal Party (LP) ng P200 milyong lobby money para hindi makalusot si dating DENR Secretary Gina Lopez sa Commission on Appointments.

“Napakaraming pera ng mga Dilawan lalo si Cong. Edgar Erice ng Caloocan at kasosyong si Eric Gutierrez na naglabas ng gayon kalaking halaga magpatuloy lamang ang pagwasak nila sa ating kapaligiran, at sila na ngayon ang kasosyo ng ilang negosyanteng dikit sa administrasyon ni Pangulong Duterte,” diin ni Marcelino. (HNT)

About hataw tabloid

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Leave a Reply

Your email address will not be published. Required fields are marked *