Monday , December 17 2018
Breaking News
You are here: Home / Showbiz / Kate Brios, bilib sa galing ni Allen Dizon
Kate Brios, bilib sa galing ni Allen Dizon

Kate Brios, bilib sa galing ni Allen Dizon

PROUD ang aktres, movie producer, at MTRCB board member na si Kate Brios dahil nakapasok sa 4th Sinag Maynila Film Festival ang pelikula nilang Bomba na tinatampukan nina Allen Dizon at Angellie Nicholle Sanoy, mula sa panulat at pamamahala ni Direk Ralston Jover. Ang naturang filmfest ay magaganap sa  March 7-14 at mapapanood exclusively sa SM Cinemas sa Metro Manila.

“Super-proud ako sa finished product ng movie na Bomba, binusisi bawat eksena ng director namin, si Direk Ralston Jover. At alam natin na matagal nang direktor si Ralston at maganda talagang gumawa ng pelikula si direk. Nagulat pero masaya ako dahil napili ito sa Sinag Maynila. Sa rami ng nag-submit, isa ang movie na Bomba sa napili.

READ MORE:  Nadine, naging back-up singer ni Sarah G.

“Plus, itong Bomba na ngayon ang daming awards na nakamit sa ibang panig ng mundo, kaya super-proud talaga ako,” masayang saad ni Ms. Kate.

Pahabol niya, “Siyempre ang lahat ng gumanap sa Bomba, lalo na si Allen Dizon na napakarami nang awards na nakamit, super-proud talaga ang mararamdaman ng sinomang bahagi ng pelikula. Then ako, for the first time nakasama ko si Allen sa mga eksena, sobrang galing niya, napaka-professional pa,  kaya masaya akong nakasama siya, pati si Angellie Nicholle.

READ MORE:  Rebelasyon ni Keanna — Nakaniig daw niya si Luis

“Iyong eksena ko rito’y napaka-intense, ‘yung character ko rito ay strong person na employer ni Allen na sanhi ng pag-iba ng utak ni Pipoy (Allen), kaya siya naghuramentado. Nag-enjoy ako sa role ko rito bilang Madam na may-ari ng funeral business. Naiiba naman iyong character ko rito, kaya masaya ako na naging part ako ng pelikulang Bomba.”

READ MORE:  It’s Final…Ate Vi, No for VP!

Kabilang sa ilang mga parangal na natamo na ng Bomba sa 33rd Warsaw International Film Festival na pinarangalan sina Allen at Angellie Nicholle ng Special Jury award. Nanalo rin si Allen ng Best Actor sa Dhaka International Film Festival sa Bangladesh para makamit ang second international Best Actor award niya para sa naturang pelikula.

Tampok din sa Bomba sina Alan Paule, Sue Prado, Felixia Dizon, Joel Saracho, Tabs Sumulong, Lucas Dizon, at Romeo Lindain.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved