Tuesday , March 19 2024

Shootout 1 sugatan, 3 arestado

MALUBHANG nasugatan ang isang lalaki nang makipagbarilan sa nag-respondeng mga pulis habang arestado ang tatlo niyang kasama sa Navotas City, kamakalawa ng gabi.

Kinilala ni Navotas police chief, S/Supt. Brent Milan Madjaco ang arestadong mga suspek na sina MC De Jesus, 32, nakatira sa Brgy. North Bay Boulevard South; Crispin Santiago, 47, residente sa  Dagat-Dagatan, Brgy. NBBS, kapwa ng Navotas City, at Antonio Tonido Jr., 60, taga-Kawal St.,  Dagat-Dagatan Avenue, Caloocan City.

Habang sugatan ang suspek na si Anthony Lazaro, 20, residente sa Brgy. NBBS, natunton ng mga pulis sa Tondo Medical Center habang nila-lapatan ng lunas dahil sa tama ng bala sa kata­wan.

Ayon sa ulat nina PO3 Allan Bangayan at PO1 Filbert Madio, dakong 11:30 pm, iniulat ng isang concerned citizen sa Navotas Police Community Precinct 4 ang hinggil sa ilang lalaking nagpapaputok ng baril sa Area 1, Phase 2, Brgy. NBBS.

Agad nagresponde sa lugar ang mga pulis, sa pangunguna ni S/Insp. Cerillo, at naabutan sina Santiago at Tonido habang umiinom sa tabi ng kalsada kaya inaresto dahil sa paglabag sa city ordinance.

Nakompiska mula kay Santiago ang isang .38 kalibreng baril.

Makalipas ang ilang sandali, dumating sina De Jesus at Lazaro habang lulan ng motorsiklo ngunit imbes huminto ay nagtangkang tumakas.

Bumunot ng baril ang angkas na si Lazaro at pinaputukan ang mga pulis. Gumanti ng putok ang mga pulis dahilan para tamaan ng bala si Lazaro ngunit nakatakas habang arestado si De Jesus.

Sa follow-up operation, nadakip ng mga pulis si Lazaro sa Tondo Medical Center habang nilalapatan ng lunas.

(ROMMEL SALES)

About Rommel Sales

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *