Tuesday , March 19 2024

Paolo Ballesteros at Yam Concepcion nag-enjoy sa isa’t isa

IPINAHAYAG ng mga bida ng pelikulang Amnesia Love na sina Paolo Ballesteros at Yam Concepcion na nag-enjoy silang katrabaho ang isa’t isa sa project na ito ng Viva Films na ipalalabas na sa mga sinehan sa February 28.

Sa pelikula, makikita na naaksidente si Paolo at napadpad sa isang isla na roon nakatira sina Yam at ang pamilya. Nang magkamalay, may amnesia na si Paolo na mula sa pagiging gay ay magiging lalaki ang pagkatao niya.

Kamusta ang pagtatrabaho nila sa pelikulang ito?

Esplika ni Pao, “Nagkasama na kami ni Yam sa Bakit Lahat Ng Guwapo May Boyfriend, pero siya ‘yung partner ni Dennis (Trillo) at doon pa lang ay nakita ko na si Yam ay professional at ganoon din ang nangyari rito sa movie namin.

“Kasi, shinoot namin ‘yung movie sa island e, sa beach. So, malayo ‘yung bihisan, malayo ‘yung pagsi-CR-an, pero wala siyang arte sa katawan… masarap siya katrabaho.”

Saad ni Yam, “Si Pao rin, sobrang masarap siyang makatrabaho. Pero at first ay medyo na-intimidate ako. Napanood ko iyong pelikula mo na Die Beautiful at iyon, dahil may idea ako na ganoon, minsan ay nanliliit ka.”

Kumusta naman ang kinalabasan ng tukaan nila ni Paolo?

Wika ng aktres, “Nahiya ako sa kanya (sa kissing scene), pero okay lang, inalagaan din naman niya ako sa eksena.”

Masarap bang mag-kiss si Paolo?  ”Oo masarap, malambot iyong lips niya,” nakatawang saad ni Yam. Dagdag niya, “Masarap siyang katrabaho, kasi hindi lang may leading man ka, pero may taga-ayos ka pa, kasi ay inaayos niya ‘yung hair ko. Tapos sinasabi niya na okay ‘yung outfit ko, so, masaya.”

Reaction dito ni Pao, “Masarap, pero siyempre ay nailang pa rin ako sa kissing scene namin, kasi acting-an e, alam mo iyon? Kasi ay may camera at kinukunan.”

Nabanggit din ni Pao ang naging character niya nang napadpad na sa isla. “Oo lalaki ako roon, pero mayroon pa ring pitik, mayroong ganoon e, hindi iyon maitatago,” nakatawang saad ng isa sa Dabarkads ng Eat Bulaga.

ALAM MO NA!
ni Nonie Nicasio

 

 

About Nonie Nicasio

Check Also

Marianne Beatriz Bermundo Khristine Kate Almendras Ornopia

Young beauty queens Marianne at Khristine gustong sundan yapak ni Kathryn 

ni ALLAN SANCON  KASABAY ng paglulunsad ng 3rd edition ng Aspire Magazine na ginanap sa Robinson’s Novaliches …

Pia Wurtzbach Khristine Kate Almendras Ornopia

Pia Wurtzbach idolo ni Miss Universe SuperGrand Prix 2023 Khristine Ornopia

MATABILni John Fontanilla MAGANDA, matangkad, at napakahusay sumagot sa mga katanungan ang 12 year old …

Teejay Marquez

Teejay Marquez dream house ipinagagawa na  

MATABILni John Fontanilla SINISIMULAN nang gawin ang dream house ni Teejay Marquez sa Quezon City. Kuwento nito …

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Marianne Beatriz Bermundo Catriona Gray

Catriona Gray inspirasyon ng model/ beauty queen Marianne Beatriz Bermundo

MATABILni John Fontanilla BUKOD sa korononang Little Miss Universe 2021 ay dalawa pang korona ang pinanalunan ni Marianne …

Leave a Reply

Your email address will not be published. Required fields are marked *