Tuesday , March 19 2024

Palasyo ‘tahimik’ sa pag-aresto kay Quiboloy

KUNG gaano kaingay ang Palasyo sa mga kalaban sa politika, nakabibinging katahimikan ang umiral sa kaso nang pagdakip sa Hawaii sa kaalyadong si Kingdom of Jesus Christ leader Pastor Quiboloy.

Sinabi ng isang Palace source, matagal nang hindi nag-uusap sina Pangulong Rodrigo Duterte at Quiboloy.

Sa ulat sinabing dinakip si Quiboloy at lima pang kasamahan habang sakay sa private plane Cessna Citation Sovereign sa Honolulu Airport pabalik ng Filipinas na may dalang $350,000 at spare parts ng military-style rifle kahapon.

Sa ulat ng Customs and Border Enforcement agents , natagpuan nila ang libo-libong dolyar na maayos na nakatupi at nakalagay sa loob ng mga medyas sa loob ng maleta.

Nakita rin ng mga awtoridad sa loob ng eroplano ang “parts to assemble military-style rifles.”

Kasama ni Quiboloy si Felina Salinas, 47, ng Makakilo, ang bukod-tanging US citizen sa loob ng eroplano at inaresto matapos aminin na kanya ang cash.

Itinatakda sa Federal law na sinomang magla-labas ng mahigit sa $10,000 ay dapat ideklara, ngunit sa kaso ni Salinas ay $40,000 lang ang idineklara at hindi ang $350,000.

Si Salinas ang business manager sa Waipahu church location at matapat na tagasunod ni Quiboloy.

Si Quiboloy ay masugid na tagasuporta ni Pangulong Rodrigo Duterte mula nang alkalde pa ng Davao City ang Punong Ehekutibo.

Napabalita na ipinagmalaki ni Quiboloy sa kanyang programa sa telebisyon noong 2016 na may kakayahan siyang armasan ng M16 rifles ang kanyang followers upang labanan ang New People’s Army (NPA).

Sa isang text message sa Hataw, sinabi ni Defense Secretary Delfin Lorenzana na walang kinalaman ang DND sa isyu kung may permit to import gun parts si Quiboloy.

“Not my job, it belongs to PNP,” ani Lorenzana.

(ROSE NOVENARIO)

About Rose Novenario

Check Also

Bong Revilla Jr teachers

Sen Bong kampyon ng mga guro, teaching allowance madodoble na 

SHOWBIZ KONEKni Maricris Valdez Nicasio MARAMING mga guro ang natuwa dahil aprubado na ng Senado …

Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct. Ang 14-kilometrong natapos na bahagi ng …

3 lalaking suspek sa kinawat na kawad  ng koryente ‘minasaker’

3 lalaking suspek sa kinawat na kawad  ng koryente ‘minasaker’

TATLONG lalaking pinaghihinalaang mga tirador ng kawad ng koryente ang natagpuang wala nang buhay attadtad …

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Leave a Reply

Your email address will not be published. Required fields are marked *