Monday , December 17 2018
Breaking News
You are here: Home / News / Noo ng deboto nalapnos sa Ash Wednesday (Sa Caloocan City)
Noo ng deboto nalapnos sa Ash Wednesday (Sa Caloocan City)

Noo ng deboto nalapnos sa Ash Wednesday (Sa Caloocan City)

NALAPNOS ang noo ng ilang deboto makaraan makaramdam ng init mula sa ipinahid na abo sa San Roque Cathedral sa Caloocan City, nitong nakaraang Ash Wednesday.

Ayon sa ulat, nagreklamo ang mga debotong sina Mae Aldovino at Dave Peciller, mahigit dalawang dekada nang nagsisimba sa naturang katedral, na nalapnos ang kanilang noo.

“Right after napahiran kami ng abo, may naramdaman kaming init. Naisip namin maybe it’s time to confess. And then after an hour may init pa rin kaming naramdaman,” sabi ni Aldovino.

READ MORE:  Kaso vs ‘termite gang’ ibinasura ng piskalya (Sa Pasay City)

Sumama ang pakiramdam ni Peciller nang alisin ang abo sa noo.

“Nilalagnat ako. Sumama ‘yung pakiramdam ko. Nagsimba nga tayo dahil Ash Wednesday. Sana may aksiyon ang simbahan sa nangyaring ito,” ayon kay Peciller.

Aminado ang pamunuan ng San Roque Cathedral sa insidente maka­raan pumunta ang ilan pang deboto na nagreklamo ng pangangati o pag­kasugat sa kanilang noo matapos lagyan ng abo.

Naapektohan din ang mga bata dahil nag-school-to-school ang simbahan.

READ MORE:  De Lima ‘tipster’ ni Napoles? ayaw maniwala ng Palasyo

“Noong nalaman namin ‘yon, actually pinapalitan na namin ang ashes. Kaso naibigay din sa ibang schools ng mga lay minister. Hindi naman talaga namin ninanais na itong unang araw ng Kuwaresma ay magkaganito ‘yung nangyari. We really apologize to all who have been affected on what should have been a holy and solemn occasion,” ayon kay Fr. Jero-nimo Cruz, Rector, San Roque Cathedral Parish.

Ipinasuri ng simba-han sa laboratory ang abong ginamit habang patuloy ang kanilang imbestigasyon sa insidente.

READ MORE:  2 promotor ng tupada, 1 pa patay sa duelo (Nitong Biyernes Santo)

Nagbigay rin ang simbahan ng first aid sa mga nalapnos ang balat. Pupuntahan din nila sa mga paaralan ang mga bata na pinahiran ng abo.

Maaaring pumunta sa simbahan ang mga na-lapnos ang balat para sila’y maipagamot o ma-reimburse ang ang nagastos sa pagpapagamot.

Ayon sa pamununan ng San Roque Cathedral, tinitiyak nilang ginagawa nila ang lahat para hindi na maulit ang insidente.

(ROMMEL SALES)

COMMENTS

About Rommel Sales

Scroll To Top
 

Copyright hatawtabloid.com | All Rights Reserved