Friday , March 29 2024

FDA REU nawa’y maging seryoso sa kampanya vs mga pampabyuting ‘di rehistrado

NATUWA tayo sa ginawa ng Food and Drug Administration – Regulations Enforcement Unit (FDA-REU) na pagsudsod sa mga hindi rehistradong beauty products na ginagamit ng mga kilala at sikat na beauty clinics gaya nga ng Belo (BMG).

Pero ngayong sinimulan na ‘yan ni FDA-REU chief, ret. General Allen Bantolo, na-realize din natin na marami pa rin silang dapat sudsurin.

Hindi ba’t naging lucrative business na nga ‘yan kahit saan?!

Nagsulputan parang mga kabute ang sari-saring beauty enchancement establishments kahit saan.

Alam n’yo naman ang mga Pinoy, napaka-banidoso. Basta sinabing pampaganda, asahan ninyo, pati pang-groceries isasakripisyo para bumyuti lang.

At ‘yan din ang dahilan kung bakit pati ang papaya soap na dating beinte pesos, sumirit na ang presyo naging exclusive pa.

Ganyan katindi ang marketing nila.

Makikita ang mga produktong ‘yan sa mga salon, sa mga cosmetic clinic, beauty parlors, sa tindahan sa Binondo, sa mga derma clinic sa mga mall. Hindi lang basta mall, sa mga hi-end na mall dahil nandoon ang mga target nilang clientelle.

Mayroon nga riyan mga nanghahabol at nanghihila pa ng mga customer at ita-trial ang kalahating mukha at kalahating braso, para mapilitang bumili.

Bibigyan pa umano ng kung ano-anong perks para lang sabihin na murang-mura ang produkto nila.

Usong-uso rin ngayon ‘yung mga tinatawag na drip na idinadaan sa IV ang Glutathione, collagen at iba pang produkto o gamot na magpapaganda raw ng kutis.

At lahat ‘yan ay hindi naman rehistrado sa FDA.

‘Yan ang kailangang trabahuin ni Gen. Bantolo.

At kung magiging seryoso sila riyan, marami silang maililigtas na mga Pinoy na ang tanging layunin ay gumanda at kuminis.

Higit sa lahat, sana ay maging seryoso ang pagsasampa ng reklamo nina Gen. Bantolo laban sa mga ‘tirador’ ‘este sa mga nagpapa­kilalang beauty experts na talaga namang parang tubig kung sumalok ng pera mula sa mga kliyente nilang hindi naman ganoon kayayamanin.

Makatutulong po nang malaki ang kampanyang ito ng FDA – REU dahil kung totoong ang mga produkto ay nakatutulong sa pagpapaganda at pagsasaayos ng kalusugan, maire-regulate ang presyo nito.

Isa lang po ang wish natin sa kampanyang ito ni Gen. Bantolo — huwag lang po sanang maging ‘operation pakilala.’

‘Yun lang po!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *