Wednesday , May 23 2018
Breaking News
You are here: Home / Opinion / Pagsisikap ng PRRC, “good news” sa Malakanyang
Pagsisikap ng PRRC, “good news” sa Malakanyang

Pagsisikap ng PRRC, “good news” sa Malakanyang

Laking pasasalamat ni Pasig River Rehabilitation Commission (PRRC) Executive Director Jose Antonio “Ka Pepeton” E. Goitia kay Presidential Spokesman Secretary Harry Roque na inilarawan na “magandang balita” kamakailan ang pagsisikap ng PRRC katuwang ang Intramuros Administration (IA) at ang munisipalidad ng Noveleta, Cavite para mapabilis ang biyahe mula sa nasabing ba­yan hanggang sa lungsod ng Maynila.

Sa talumpati kaugnay sa inagurasyon ng Phase II ng Linear Park sa Estero de Pandacan sabay pagsasalin sa pangangasiwa nito kay Brgy. 832 Chairman Ireneo Fernandez, nagpasalamat si Goitia dahil napansin ng Malakanyang ang pagsisikap ng PRRC, IA at local government unit ng Noveleta, Cavite para mapabilis at mapagaang  ang balikang transportasyon mula sa Maynila hanggang Cavite.

Sabi nga ni Goitia: “I wish to convey my utmost gratitude to the Honorable Presidential Spokesperson, Secretary Harry Roque, for officially acknow­ledging the efforts done by the Pasig River Rehabilitation Commission, jointly with the Intramuros Administration (IA), and the Municipality of Noveleta, Ca­vite, in launching the Cavite-Manila Ferry Boat Service,” ani Goitia. “Starting next month, the current land travel time of two (2) hours from Manila to Cavite is expected to be reduced to only thirty-five minutes.”

Unang inihayag ni Roque ang tungkol sa Ca­vite-Manila Ferry Boat Service sa press briefing sa mga reporter na nakabase sa Malakanyang noong nakaraang Pebrero 5.

Diin ni Roque: “Let me begin with good news – Starting [June], travel time from Manila to Cavite will be reduced to 35 minutes. The Intramuros Administration, the Pasig River Rehabilitation Commission and the Municipality of Noveleta launched a boat transport system that will link Noveleta, Cavite with Intramuros, Manila. The ferry boat service is expected to shorten travel time from the current land travel of 2 hours accom­modating 100 passengers.”

Sa layuning makatulong para maibsan ang masikip na daloy ng trapiko sa Metro Manila kaya naisipan ng PRRC na makipagtulungan sa Superferry service para bumiyahe at magsakay ng mga pasahero ang kanilang mga ferry boat mula Ca­vite patungong Plaza Mexico sa Maynila.

Nilagdaan kamakailan ang Memorandum of Agreement (MOA)  nina Goitia;  Super Ferry Service Transport, Inc. (SFTI) founder Eduardo Manuel; IA chief Atty. Guiller Asido; at Noveleta Mayor Dino Reyes Chua sa makasaysayang Plaza Me­xico sa Intramuros, Maynila.

Dagdag ni Goitia: “Napapanahon ang partnership na ito sa layunin na makatulong sa mga commuter mula sa Cavite na nagnanais lumuwas ng Maynila at vice versa. Reliable, affordable at episyente ang Pasig River Ferry System para sa mga commuters, maging sa disaster response na magbibigay ng malaking kontribusyon para maibsan ang masikip na daloy ng trapiko sa Metro Manila.”

Sa panig naman  ni Manuel, ipinagmalaki niya na lahat ng kanilang ferry boat ay fully air-conditioned, may libreng wi-fi, ligtas, reliable, accesible at gawang Pinoy sabay dagdag na suportado ng SFTI ang adbokasiyang “Puso para Ilog Pasig” ng PRRC.

COMMENTS

About Ariel Dim Borlongan

Scroll To Top
 

Copyright © 2009 - 2017 hatawtabloid.com | All Rights Reserved