Monday , November 19 2018
Breaking News
You are here: Home / News / 2 snatcher bulagta sa MPD cops

2 snatcher bulagta sa MPD cops

BUMULAGTANG walang buhay ang dalawang hinihinalang snatcher na lulan ng motorsiklo makaraang masukol at makasagupa ng mga tauhan ng Manila Police District (MPD) sa gilid ng McArthur Bridge, sa Escolta St., Sta. Cruz, Maynila, kahapon ng madaling-araw.

Base sa ulat ng pulisya, naganap ang insidente pasado 12:00 am sa Binondo at natapos ang habulan sa gilid ng McArthur Bridge sa Escolta sa naturang lungsod.

READ MORE:  Truck sumalpok sa poste, 2 tigok
KAPWA namatay ang dalawang hinihinalang snatcher makaraan makipagbarilan sa mga tauhan ni MPD PS11 Supt. Amante Daro, nang makorner ng mga awtoridad makaraan hablutin ang bag ng isang biktima sa Escolta St., Sta. Cruz, Maynila. (BRIAN GEM BILASANO)

Ayon kay MPD Station 11 Supt. Amante Daro, nagpapatrolya ang kanyang mga tauhan nang mamataan sa aktong hinablot ng mga suspek na riding-in-tandem ang bag ng isang biktima sa Escolta.

READ MORE:  Droga sa AoR ng Ermita bakit hindi nababawasan?
READ MORE:  Saklaan sa Maynila ipina-raid ni Mayor Erap sa NBI

Idinagdag ni Daro, nagkaroon ng habulan hanggang makipagbarilan ang mga suspek nang masukol ng mga awtoridad.

Napilitan makipagpalitan ng putok ang mga tauhan ni Daro at pagkaraan ay tumimbuwang ang mga suspek sa kalsada.

Wala pang pagkakakilanlan ang mga suspek na isinugod sa Justice Jose Abad Santos General Hospital ngunit idineklarang dead on arrival bunsod ng mga tama ng bala sa katawan. (BRIAN GEM BILASANO)

COMMENTS

About Brian Bilasano

Scroll To Top
 

Copyright hatawtabloid.com | All Rights Reserved