Categories: News

Presyo ng palay bagsak ngayong anihan (Magsasaka nangamba)

UMALMA ang mga magsasaka sa parating na bigas na inangkat ng National Food Authority (NFA) dahil sasabay ito sa panahon ng anihan.

Nakatakdang dumating sa susunod na buwan ang 250,000 metriko toneladang bigas na inangkat ng NFA, habang higit 3.5 milyong metriko tone­ladang palay ang inaasahang aanihin ng mga magsasaka.

Dahil dito, pinangangambahan ng local farmers na babagsak ang presyo ng kanilang palay.

Ayon sa grupo ng mga magsasaka, gusto sana nilang magbenta ng palay sa NFA ngunit mababa ang bili ng ahensiya, sa P17 o P18 pesos kada kilo lamang.

Naibebenta nila ito sa mga pribadong trader hanggang P22 pesos kada kilo. Mataas kasi ang puhunan nila sa pagtatanim.

“Ang laki-laki naman ng gastos sa production. Halos wala kaming kinikita at napupunta lahat sa gastos sa pagta­ta­nim…kulang kami sa mga gamit,” ayon kay Zenaida Soriano ng grupong National Federation of Peasant Women (Amihan).

Sa datos ng Department of Agriculture (DA), nasa higit apat  metriko toneladang palay lang ang naaani sa bawat ektaryang lupa ng local farmers.

Target ng DA na itaas ito sa anim metriko tone­lada sa pamamagitan ng pagkakaloob ng pagsasanay sa bagong tek­nolohiya at access sa credit o pautang sa magsasaka.

Samantala, naghayag ng pagtutol ang isang consumer group sa pag-angkat ng bigas at pagpataw ng buwis dito.

“Ang impact nito sa mga magsasaka ay mabigat. Mula no’ng nag-i-import tayo hindi na talaga bumaba ang presyo ng bigas… The consumers will bear the expense,” ani Cathy Estabillo ng grupong Bantay Bigas.

Nauna nang sinabi ng NFA na kailangan nilang mag-angkat ng bigas dahil ramdam ang kakulangan nito at nagkakaubusan na sa maraming lugar.

 

COMMENTS
hataw tabloid

Share
Published by
hataw tabloid

Recent Posts

Raket sa PNP arms procurement bidding nabuking

BIGO ang namumuong ‘diskarte’ sa bidding pro­cess sa ilalim ng Philippine National Police (PNP) sa pagbili ng armas at mga…

1 hour ago

Road rager na naka-“8” FJ Cruiser tugisin — Andaya (PNP, LTO dapat kumilos)

DAPAT kumilos ang Philippine National Police (PNP) at ang Land Transportation Office (LTO) para hanapin kung sino ang sangkot sa…

1 hour ago

Mga arogante at masusungit na sales staff ng Duty Free PH

DAHIL sa karanasan ng isang kaanak natin nitong nakaraang linggo sa Duty Free Philippines, muling nabuhay sa alaala natin ang…

5 hours ago

Poster ng anak ni Laarni nagkalat sa Sampaloc

Magandang umaga po. Dito na po ako lumaki sa Sampaloc. Pero ngayon ko lang nalaman na residente pala rito ang…

5 hours ago

Opinyon ni kabayan (Re: Conviction kay ex-FL Imelda Romualdez Marcos ‘emotional blackmail’ sa Pinoy)

          JERRY YAP paalaala lng d komo nasa press ka at Yap e parang kampi ka…

5 hours ago

Mga arogante at masusungit na sales staff ng Duty Free PH

DAHIL sa karanasan ng isang kaanak natin nitong nakaraang linggo sa Duty Free Philippines, muling nabuhay sa alaala natin ang…

5 hours ago