Tuesday , February 20 2018
Breaking News
You are here: Home / News / Magdiriwang ng Valentine’s Day umiwas sa porno, unsafe sex
Magdiriwang ng Valentine’s Day umiwas sa porno, unsafe sex

Magdiriwang ng Valentine’s Day umiwas sa porno, unsafe sex

BAGO ang pagdiriwang ng Valentine’s Day, hinimok ng grupong Pro-Life Philippines ang publiko na umiwas sa pornograpiya at human immunodeficiency virus at acquired immune deficiency syndrome (HIV/AIDS).

Kasabay nito, namahagi ang grupo sa mga namamasyal sa Rizal Park sa Maynila ng mga kendi na may mga balot na mga mensahe ukol sa pag-iwas sa mga malalaswang pelikula at HIV/AIDS.

May ilang paketeng naglalaman ng mga mensahe hinggil sa paggalang sa mga kababaihan at pagkapit sa panananampalataya upang makaiwas sa tukso.

Ayon kay Anthony James Perez ng Pro-Life Philippines, ang pagpapakalat ng kamalayan umano ang ambag ng kanilang grupo para kahit papaano ay maibsan ang mga kaso ng HIV/AIDS at hindi inaasahang pagbubuntis sa bansa.

Noong 2016, may 10,500 Filipino ang naitalang may HIV mula 4,300 noong 2010, ayon sa Department of Health.

Habang batay sa pag-aaral ng Commission on Population at Philippine Statistics Authority, patuloy na tumataas ang bilang ng kaso ng teenage pregnancy sa bansa.

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved