Categories: Showbiz

Paolo, type maka-intimate sina Piolo at Mark sa pelikula

Share

NAGING running joke sa presscon ng Amnesia Love ang no holds barred story ng singer na si Mark Bautista sa libro nitong Beyond the Mark na malapit nang mabili sa bookstore.

At dahil ang isa sa topic sa nasabing libro ay ang pagkakaroon ni Mark ng ‘bromance’ sa kanyang kaibigan.  Kaya tinanong si Paolo Ballesteros kung may plano rin siyang maglabas ng libro.

“Mayroon, pero tungkol lahat sa make-up transformation parang coffee table,” saad ng aktor.

Ang ibig tukuyin ng nagtanong ay tungkol sa pagkatao ni Paolo, ”ay hindi, at saka kung ano ‘yung nakikita sa akin, wala naman na akong ilalabas pa,” kaagad nitong sagot.

Pinoprotektahan kasi ni Pao ang anak niyang babae kaya wala siyang planong maglabas ng tulad ng Beyond the Mark.

May nakarelasyon na ba si Paolo sa showbiz? ”Define relasyon? Intimate? Wa-la,” sabi ng aktor.

Kahit one-night stand o dala ng kalasingan, ”maski hindi nakainom, mas maganda ‘yun.”

Nakailang gay role na si Paolo sa pelikula wala ba siyang planong tumanggap ng papel na tunay siyang lalaki?

“Puwede rin naman.  Kaso kung doon (gay role) naman ako magaling, doon ako effective. Magpapakalalaki nga ako kung hindi naman ako effective, ‘di ba?” saad ng leading man ni Yam Concepcion sa Amnesia Love.

Okay ba sa kanya kung may romantic scene sa pelikula na pareho niyang gender? ”Aba, eh, okay ‘yun, siyempre!” kaya nagtawanan ang lahat ng kausap nitong entertainment editors, writers, at bloggers.

Tinanong namin kung sino naman ang gusto niyang makasama sa pelikula kung may leading man siya? ”O ‘di si Piolo (Pascual,” kaswal nitong sabi, ”at isama na rin natin si Mark (Bautista) kiyeme.” Hagalpakan ang lahat sa sinabi ng aktor.

Balik-tanong ni ex-SPEED president, Isah V. Red, ‘ano ‘yan, love triangle?’

“Puwede, oo why not?” tila nanunuksong sagot ni Paolo.

Kung ganoon, anong titulo ng pelikula nila nina Piolo at Mark? ”Tatsulok!” sagot namin na nagamit na ito rati sa pelikula (Amanda Page, Elizabeth Oropesa, at Albert Martinez-1998).

“Ay nagawa na ba ‘yun? Eh ‘di tatso-lok (pabaklang bigkas),” natatawang sabi ni Paolo na mas lalo pang umalingawngaw ang tawanan ng mga kaharap niya sa venue ng presscon.

Okay lang ba kay Paolo na mag­karoon ng intimate/love scenes sa mga makakasama niya sa pelikula, ”ready ba sila?” one-liner ni Paolo,”ready tayo riyan.”

Gaano ka-intimate ba, ”personal level, echos!”

All the way daw ba, ”eh, tanungin muna sila (Piolo at Mark) baka hindi sila payag.”

May make-up transformation din ba si Paolo sa movie nilang tatlo, ”basta sila rin,” natawang sabi ng aktor.

At tanging nasabi na lang namin, ‘hala, lagot!’

May plano ba si Paolo na bumili ng librong Beyond the Mark, ”ide-deliver ba niya (Mark) sa akin? Kasi siyempre para may autograph.”

Hayan Mark Bautista, sobra-sobrang libreng promo na ng libro mo dahil naging running joke na siya sa lahat ng umpukan sa lahat ng showbiz events.

Bukod kina Paolo at Yam ay kasama rin sa Amnesia Love sina Lander Vera Perez, Maricel Morales, Polo Ravales, Vandolph Quizon, Geleen Eugenio, at Sinon Loresca produced ng Viva Films na idinirehe ni Albert Langitan na mapapanood na sa Pebrero 28.

COMMENTS
Reggee Bonoan

Published by
Reggee Bonoan

Recent Posts

Kris, na-inspire kay Ellen DeGeneres

NA-INSPIRE si Kris Aquino sa American TV host na si Ellen Degeneres sa ginagawa nitong pamimigay ng regalo sa 12 days of Christmas Giveaways sa programa… Read More

1 day ago

Martin at Gary, inisnab ng audience; Vice at Coco, tinilian, pinagkaguluhan

NALUNGKOT kami para kina Martin Nievera at Gary Valenciano dahil nang una silang tawagin para sa production number nila sa nakaraang Family is Love:  The… Read More

1 day ago

Vice Ganda tiwala sa kanyang MMFF entry na “Fantastica”

MAS tripleng nakatatawa raw ang MMFF entry ngayong taon ni Vice Ganda na “Fantastica,” produced pa rin siyempre ng Star… Read More

1 day ago

Dovie San Andres, gustong makasama sa movie ang idol at kaibigang si Rez Cortez

TOUCHED ang controversial personality sa social media na si Dovie San Andres at hanggang ngayon ay nakasuporta sa kaniya ang… Read More

1 day ago

Filmmaker Direk Reyno Oposa, lalagari sa paggawa ng movie ngayong 2019

NEXT year, 2019 ay mas magiging in-demand si Direk Reyno Oposa sa paggawa ng pelikula at lalong na-inspired ang Toronto… Read More

1 day ago

Coco at Maine, di puwedeng i-link dahil magkamag-anak

HINDI bagay na i-link sina Maine Mendoza at Coco Martin, dahil magkamag-anak pala ang dalawa sa bida ng pelikulang ‘Jack… Read More

1 day ago