Categories: Showbiz

Coleen, ‘di nagpatalo kay Nathalie

Share

PARANG tumutulong naman ang Kapamilya Network sa pagpo- promote ng My Fairy Tail bilang date movie ngayong Valentine season. May trailer ang pelikula sa entertainment websites ng ABS-CBN at nakapag-guest na sa ilang shows ng network ang lead stars ng pelikula na sina Janella Salvador at Elmo Magalona.

Tumutulong ang network dahil parehong Star Magic talents ‘yung dalawa. Pero hindi Star Cinema project ang My Fairy Tail. Co-production ‘yon ng Regal Entertainment ni Mother Lily with Idea First company ng mag-asawang Perci Intalan at Jun Lana.

Parang walang natapos na youth-oriented, general patronage movie ang Star Cinema para sa Valentine season this year. Kaya ayun, dalawang sizzling sexy films ang handog ng Star Cinema sa madla ngayong Love Month ng February.

Ang una ay ang Sin Island na, believe it or not, ay nagtatampok sa parang conservative stars na sina Coleen Garcia at Xian Lim (na kalilipat lang sa Viva Artists Agency). Pero kasama nila ang isang aktres na nalilinya na sa paghuhubad sa pelikula: si Nathalie Hart.

Pero kahit na si Nathalie ang parang mas maraming sizzling sex scenes with Xian, mas grabe ang role ni Coleen: pagtataksilan n’ya ang mister n’yang ginagampanan ni Xian. Tatakasan siya ni Xian, magtatago sa isang isla, na makikilala n’ya ang isang babaeng walang-takot maghubad at makipag-sex sa isang guwapo at matipunong estranghero na ipinaghihiganti ang kanyang pagkapindeho.

Makakasunod sa isla si Coleen. Makikipag-contest sa sexual passion sa character ni Nathalie. Isa sa kanila ang magbabantang papatay siya ‘pag nawalan siya ng lalaki.

Sa Valentine’s Day mismo magsisimulang ipalabas ang Sin Island, sa direksiyon ni Gino Santos, na bata pa, isang millennial na kaedad lang ng lead stars ng pelikula n’ya.

Malapit nang ikasal si Coleen kay Billy Crawford (na kalilipat lang din sa Viva as talent). Siguro naman ay alam ni Billy na gumawa ng sexy film ang girlfriend n’ya. ‘Di naman siguro magiging dahilan ang bold scenes ni Coleen sa Sin Island para ‘di matuloy ang kasal nila ni Billy.

Sa February 21 naman naka-iskedyul na magsimulang ipalabas ang The Significant Other na contest din ng dalawang sexy at passionate na mga babae na ma-solo ang pagmamahal at katawan ng isang lalaki.

Sina Lovi Poe at Erich Gonzales ang gumaganap sa dalawang babaeng maalab. Isa sa kanila ay ang misis at ‘yung isa ay kerida. Si Tom Rodriguez ang gumaganap na lalaking pinagnanasaan, pinag-aawayan.

Hot-blooded fashion models na mag-best friend ang mga papel nina Lovi at Erich. Doktor naman na laging sabik sa sex ang role ni Tom.

Sa direksiyon ng premyadong Joel Lamangan ang The Significant Other. Actually, gawa ng Cineko Productions ang The Significant Other. Star Cinema ang distributor.

May uncut trailers ang dalawang pelikula sa website na news.abs-cbn.com. Sana, directly or indirectly, ma-affirm ng dalawang pelikula ang dignity ng tao bilang lalang ng Diyos.

KITANG-KITA KO
ni Danny Vibas

Danny Vibas

Published by
Danny Vibas

Recent Posts

2019 DPWH budget punong-puno ng grasya?

SABI nga, nang magbuhos daw ng grasya ang mga diyos-diyosan sa kongreso ng pagkakakuwartahan, napuno ng biyaya ang pinamumunuang ahensiya… Read More

5 hours ago

2019 DPWH budget punong-puno ng grasya?

SABI nga, nang magbuhos daw ng grasya ang mga diyos-diyosan sa kongreso ng pagkakakuwartahan, napuno ng biyaya ang pinamumunuang ahensiya… Read More

5 hours ago

Ginang nagpatotoo sa maraming benepisyo ng paggamit ng Krystall products

Dear Sis Fely Guy Ong, Ito po ang patotoo ko sa paggamit ko ng Krystall Herbal Products: Ang pagbaba ng… Read More

5 hours ago

Digong kabado sa alyansa ng simbahan at sambayanan

NAIS ni Pangulong Rodrigo Duterte na mapi­gi­lan ang Simbahang Kato­lika na makipag-ugna­yan sa samba­yanang Filipino para tuldukan ang kanyang malupit… Read More

18 hours ago

56-anyos retirement sa gobyerno aprub sa Kamara

ISA tayo sa mga natuwa nang aprobahan ng Kamara (206 affirmative votes) sa third and final reading ang panukalang pababain… Read More

1 day ago

56-anyos retirement sa gobyerno aprub sa Kamara

ISA tayo sa mga natuwa nang aprobahan ng Kamara (206 affirmative votes) sa third and final reading ang panukalang pababain… Read More

1 day ago