Categories: Bulabugin

ICC hindi na dapat harapin ni Digong

Share

KOMPIYANSA ang Palasyo na hindi magtatagumpay ang akusasyong crime against humanity laban kay Pangulong Rodrigo “Digong” Duterte kaugnay ng drug war.

At dahil sa kompiyansang iyon, matapang na haharapin ng Pangulo ang International Criminal Court (ICC).

At ayon kay Presidential Spokesman Harry Roque tiwala siyang maibabasura ang nasabing usapin sa ICC kaya hindi pa dapat magdiwang ang mga kalaban ng Pangulo.

Preliminary examination pa lang ang isasagawa ng ICC kaugnay sa reklamong inihain ni self-confessed Davao Death Squad (DDS) member Edgar Matobato laban sa Pangulo .

“The President has said that he also welcomes this preliminary examination because he is sick and tired of being accused of the commission of crimes against humanity. This is an opportunity for him to prove that this is not subject to the court’s jurisdiction because of both complementarity that domestic courts and the fact that we have a domestic international humanitarian law statute in our jurisdiction, are reasons enough for the Court not to exercise jurisdiction,” ayon kay Roque.

Sa ganang atin, hindi na dapat sumipot sa ICC ang Pangulo.

Sa dami ng mga pinaslang ng mga suspek na lango sa droga — o ‘yung mga kababayan natin na pinatay ng mga lango sa droga dahil trip lang — mayroon bang kumibo at nagreklamo para maparusahan ang mga pusakal na adik?!

Ngayon na mayroong isang Pangulo na nagsisikap lutasin ang talamak na problema sa ilegal na droga, mayroong mga naghahabol at nag-aakusang lumalabag sa human rights ang Pa­ngulo?!

Sonabagan!

‘Yung mga pusakal na adik na pumaslang ng mga babae o batang walang kamalay-malay, hindi ba sila lumabag sa human rights?!

Mayroon bang nagreklamo sa ICC laban sa mga narco-politicians na walang sawa sa pagbabalik-balik sa posisyon gamit ang kuwartang kinatas sa ilegal na droga?

‘Yung Matobato na umaamin na siya ay trigger man at ngayon ay ginagamit na saksi laban kay Pangulong Digong, inasunto ba nila at sinampahan ng kaso?!

Si Matobato ang nagsabi sa publiko kung sino-sino ang kanyang mga pinaslang, sinampasahan ba siya ng kaso?

Bakit hindi sa Matobato muna ang asuntohin? Bakit si Pangulong Digong agad?!

Kung talamak ang ‘double standard’ sa ilang ahensiya at sa hudikatura, anong katarungan ba ang inaasahan narin rito?!

Ngayon, sa palagay ba ninyo ay dapat pang harapin ni tatay Digong ang ICC?!

Kayo na po ang sumagot, mga suki.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Martin at Gary, inisnab ng audience; Vice at Coco, tinilian, pinagkaguluhan

NALUNGKOT kami para kina Martin Nievera at Gary Valenciano dahil nang una silang tawagin para sa production number nila sa nakaraang Family is Love:  The… Read More

3 mins ago

Vice Ganda tiwala sa kanyang MMFF entry na “Fantastica”

MAS tripleng nakatatawa raw ang MMFF entry ngayong taon ni Vice Ganda na “Fantastica,” produced pa rin siyempre ng Star… Read More

8 mins ago

Dovie San Andres, gustong makasama sa movie ang idol at kaibigang si Rez Cortez

TOUCHED ang controversial personality sa social media na si Dovie San Andres at hanggang ngayon ay nakasuporta sa kaniya ang… Read More

12 mins ago

Filmmaker Direk Reyno Oposa, lalagari sa paggawa ng movie ngayong 2019

NEXT year, 2019 ay mas magiging in-demand si Direk Reyno Oposa sa paggawa ng pelikula at lalong na-inspired ang Toronto… Read More

15 mins ago

Coco at Maine, di puwedeng i-link dahil magkamag-anak

HINDI bagay na i-link sina Maine Mendoza at Coco Martin, dahil magkamag-anak pala ang dalawa sa bida ng pelikulang ‘Jack… Read More

22 mins ago

Ms. Len Carillo, bilib sa talento ng Clique V

GRABE sa saya ang ginanap na Christmas party ng 3:16 Talents and Events ni Ms. Len Carillo. Dito’y nagpakitang gilas… Read More

23 mins ago