Monday , April 23 2018
Breaking News
You are here: Home / Showbiz / Pelikula at dramaserye ni Yul, ‘di na matutuloy
Pelikula at dramaserye ni Yul, ‘di na matutuloy

Pelikula at dramaserye ni Yul, ‘di na matutuloy

NAGULAT kami sa kaguwapuhan ni  Congressman Yul Servo noong  huling gabi ng lamay para kay Maryo J. delos Reyes na ginanap sa Loyola Memorial Chapel sa Commonwealth. Maaliwalas ang kanyang mukha dahil nag-ahit ito ng bigote o balbas at gumanda ang pangangatawan.

Kabaliktaran ito noong bago pa lamang siya sa industriya na tinawag pa siyang mukhang dugyot na daga ng namayapang aktor. “Wala ‘yun, talagang ganoon naman talaga si Direk Maryo, mapang-asar. Payat kasi ako noon, kaya ‘yun ang naisip niya itawag sa akin,” sambit ng nakangiting aktor na lalong nagpatingkad ng kanyang pagiging tsinito.

Sa pagpanaw ng kanyang mentor parang hindi na matutupad ang nakahandang pelikula sa kanya at dramaserye na tanging ang direktor ang puwedeng gumawa dahil wala itong script. Nakatago ito sa isipan ng namayapang direktor.

Inamin ng aktor na masaya si Direk Maryo sa pagpasok nito sa politika lalo pang wala pa itong talo hanggang kumandidato  bilang congressman sa ikatlong distrito ng Manila. “Sabi niya sa akin, pagbutihin ko lang  ang aking panunungkulan at ayaw niyang malaman na sangkot ako sa graft and corruption dahil siya ang una kong makakalaban,” pahayag nito.

Natatandaan pa nito na kapag galit sa kanya si Direk Maryo ay pinagsasabihan na babatuhin ng script o tripod. “Pananakot lang niya sa akin ‘yun kasi gusto niya na nakatuon ako sa aking pag-arte. Masaya naman ako at dinaanan ko ‘yun sa kanya kasi roon ko nalaman kung gaano siya ka-concern sa kanyang mga artista. Isa ‘yun sa nagpatatag ng training ko bilang artista.”

STARNEWS UPLOAD
ni Alex Datu

COMMENTS

About Alex Datu

Scroll To Top
 

Copyright © 2009 - 2017 hatawtabloid.com | All Rights Reserved