Friday , September 21 2018
Breaking News
You are here: Home / Showbiz / Angelica, pinagselosan si Bela 
Angelica, pinagselosan si Bela 

Angelica, pinagselosan si Bela 

TINUTUKSO-TUKSO sina Carlo Aquino at Angelica Panganiban sa nakaraang Celebrity Screening ng Meet Me In St. Gallen na ginanap sa Trinoma Cinema 7 nitong Martes ng gabi kasi naman may special participation pala ang aktres sa pelikula.

Siya pala ang girlfriend ni Carlo bilang si Jesse kaya hindi sila nagkatuluyan ni Bela Padilla as Celeste sa ikalawang beses nilang pagkikita kahit na may nangyari na sa kanila.

READ MORE:  The Day After Valentine’s, level-up performance ni JC Santos

Sa eksenang ipinakita si Angelica ay litrato nila ni Carlo na tinitingnan-tingnan ni Bela sa Facebook account ng binata kaya alam niyang imposibleng maging sila. Pero nagbakasakali pa rin dahil pinayagan nitong may mangyari sa kanila kinagabihan.

Bigla tuloy naming naisip na baka kaya nabuhay ang nakaraan nina Carlo at Angelica ay dahil kasama siya sa Meet Me In St. Gallen.

At habang papasok kami ng Trinoma Mall noong gabi ay inabutan namin sina Carlo at Angelica kasama ang mga kaibigan na nagkukuwentuhan muna sa parking lot.

READ MORE:  Carlo, ipapasok sa Playhouse

Nakatutuwa dahil may kilig pa rin sina Carlo at Angelica maski na matagal silang hindi nakitang magkasama. Ano nga kaya ang kahihinatnan ng sitwasyon nilang dalawa na parehong single?

Samantala, sina Carlo at Angelica rin ang magkasama pagkatapos ng screening at binati rin ng aktres ang aktor ng, “Maganda, magaling kang makipaglandian doon sa pelikula.”

At pagpunta nina Carlo at Angelica sa parking ay nagbiro si ‘Gel, “ni minsan hindi ako nakatanggap (bulaklak) baket? Ang sakit! Bakit siya (Bela) mayroon (sabay pakita kay Bela na natatawa).”

Di ba Ateng Maricris, half-meant ang biro? Hindi nga kaya nagpaparamdam na ang aktres sa rati niyang boyfriend?

READ MORE:  Bela, ‘di ginamit ang pagiging Padilla (para sumikat)

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved