Saturday , May 26 2018
Breaking News
You are here: Home / Opinion / Sa Ombudsman dalhin ang kaso
Sa Ombudsman dalhin ang kaso

Sa Ombudsman dalhin ang kaso

ISANG resolusyon ang inihain sa Senado na humihiling sa dalawang komite na imbestigahan ang sinasabing P100 milyong umano’y  tagong yaman ni Pangulong Rodrigo “Digong” Duterte at kanyang anak na babae na si Davao City Mayor Sara Duterte sa Bank of the Philippine Islands.

Inihain ang resolusyon ni Senador Antonio Trillanes IV, kilalang pangunahing kritiko at kalaban ng pangulo at ng kanyang administrasyon.

Gaya nang inaasahan, mayroong mga pumabor sa naging aksi­yon ni Trillanes, at mayroon din mga kakampi ng pangulo ang tumutol nang husto sa hakbang, partikular si Senador Ri­chard Gordon, ang pinuno ng blue ribbon committee na isa sa dalawang komite na didinig sa mga akusasyon ni Trillanes.

Ayon kay Gordon, hindi ang Senado ang dapat mag-imbestiga sa mga akusasyon ni Trillanes laban sa mag-ama, kundi ang Kamara sa pamamagitan ng impeachment.

Kung hindi naman maaari sa Kamara, dahil maraming nagsasabi na puro mga kakampi ng pangulo ang naririto, bakit hindi isampa ang reklamo sa Ombudsman, na kilalang kalaban din naman ni Duterte, at masasabing nananatiling independent.

Tama sigurong ihain ang kaso hindi sa Senado o sa Kamara man, kundi sa Ombudsman, dahil mas makatitiyak tayo na magiging patas ito at walang kikilingan.

Kung makikinig ang Senado at Kamara, ay sila lang ang ta­nging nakakaalam.

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved