Categories: News

Magdyowa arestado sa P294-K party drugs

ARESTADO sa mga operatiba ng Quezon City Police District (QCPD) ang mag-live-in na hinihinalang tulak makaraan makompiskahan ng P294,000 halaga ng cocaine at ecstasy sa Quezon City, kahapon ng madaling-araw.

Sa ulat kay QCPD director, Chief Supt. Guillermo Lorenzo T. Eleazar, ang mga suspek na sina Russel Tan, 27, nakatira sa Rosmar Cage Restaurant, Loyola St., Morayta, Maynila, at Jazel Cabresos, 26, residente sa Nobelle House, Makati City, ay nadakip sa Room 21 ng Park Villa Apartelle sa kanto ng Quezon Avenue at  Examiner St., Brgy. West Triangle, ng pinagsanib na puwersa ng District Drug Enforcement Unit (DDEU), sa pamumuno ni Chief Inspector Ferdinand Mendoza; Masambong Police Station 2 -Drug Enforcement Unit (SDEU), at Philippine Drug Enforcement Unit (PDEA-NCRO).

ARESTADO sa mga tauhan ng District Drug Enforcement Unit ng Quezon City Police District ang magkasintahan na sina Russell Tan at Jazel Cabresos makaraan makompiskahan ng P294,000 halaga ng cocaine at ecstasy sa buy-bust operation sa isang apartelle sa Quezon City, kahapon ng madaling-araw. (ALEX MENDOZA)

Ayon sa ulat, si Tan ay dati nang nadakip noong 12 Marso 2015 sa isang buy-bust operation ng PDEA sa Timog Avenue, Quezon City ngunit naglagak ng piyansa para sa kanyang pansamantalang kalayaan.

Kahapon, dakong 5:30 am, nagsagawa ng buy-bust operation ang mga operatiba laban sa mga suspek makaraang makakuha ng impormasyon ang pulisya na patuloy sa pagtutulak si Tan kasama ang kanyang live-in partner.

Sa buy-bust operation sa apartelle, nadakip ang dalawa makaraan bentahan ng droga ang pulis na nagpanggap na buyer.

Nakompiska mula sa mga suspek ang 21.50 gramo ng cocaine  (P215,000); 36 capsules ng ecstasy (P55,000), walong bote ng liquid ecstasy (P24,000); at iba’t ibang drug paraphernalia.  (ALMAR DANGUILAN)

COMMENTS
Almar Danguilan

Share
Published by
Almar Danguilan

Recent Posts

MOA at MOC ikinasa ng PRRC

HIGIT pang pinagtibay ng Pasig River Rehabilitation Commission (PRRC) ang kanilang pangakong maibalik ang dating kagandahan ng Ilog Pasig matapos…

2 days ago

Racasa sasabak sa World Cadet chess

MAGTUTUNGO ang country’s youngest Woman Fide Master (WFM) Antonella Berthe Murillo Racasa sa Europa na magtatangka para ma-improve ang kanyang…

2 days ago

Bebot nagbigti sa Las Piñas

WINAKASAN ng isang 25-anyos babae ang sariling buhay sa pamamagitan ng pagbibigti sa Las Piñas City, kahapon ng umaga. Sa…

2 days ago

Nat’l budget bubusisiin bago ipasa — Nograles

BUBUSISIN ang panu­kalang P3.7 trilyong bud­get para sa taong 2019 bago ipasa sa pangatlo at huling pagdinig. Ayon kay Davao…

2 days ago

Magulang sinaksak ng anak

KRITIKAL ang kalaga­yan sa pagamutan ng isang mag-asawa maka­raan saksakin ng kanilang anak na lalaki na sina­sabing may diperensiya sa…

2 days ago

Pateros vice mayor inireklamo ni misis sa pananakit

DAHIL umano sa pro­blema sa pamilya, naga­wang saktan ng bise-alkalde ang kanyang misis sa loob ng kanilang bahay sa munisipalidad…

2 days ago