Categories: News

‘Mole’ ni Trillanes sa Ombudsman suspendido

SUSPENDIDO ng 90-araw at kinasuhan ng Palasyo  si Overall Deputy Ombudsman Mel­chor Arthur Carandang, ang sinasabing ‘mole’ ni Sen. Antonio Trillanes  IV sa akusasyong may ill-gotten wealth ang pamilya Duterte.

Sa press briefing kahapon sa Palasyo, sinabi ni Presidential Spokesman Harry Roque, pormal nang sinampahan ng Office of the Executive Secretary si Carandang ng mga kasong grave misconduct at grave dishonesty dahil sa ‘di-awtorisadong pag­­lalabas ng umano’y bank transactions ni Pangulong Rodrigo Duterte at kanyang pamilya.

Ang mga dokumento galing kay Carandang na aniya’y mula sa Anti-Money Laundering Council (AMLC), ang ginamit ni Trillanes sa pag­hahain ng reklamo kaugnay ng umano’y ill-gotten wealth ng Pangulo.

“We have categorically stated before that the AMLC is not the source of the documents and information attached by Senator Antonio F. Trillanes IV in his complaint regarding the alleged bank accounts of President Rodrigo Duterte. It has neither provided of the Office of the Ombudsman with any report as a consequence of any investigation of subject accounts for any purpose,” ani Roque.

Ang hakbang ng OES ay makaraan imbestigahan ang reklamong inihain nina attorneys Manolito Luna at Elijo Mallari sa Office of the President laban kay Carandang.

Nanindigan si Roque na nasa kapangyarihan ng Pangulo ang pagkastigo kay Carandang.

Ipinauubaya ni Roque sa Pangulo ang pagpapasya kung sasampahan ng kaso si Trillanes sa paggamit ng maling dokumento laban sa pamilya Duterte.

“That’s up to the President. But you see the President, you know, does not pay too much attention to kuwentong kutsero and tsismis,” ani Roque.

Nauna nang inihayag ni Pangulong Duterte na ilegal ang pangangalap ng ebidensiya ni Carandang laban sa kanya at idinaan lang sa ‘pindot.’

Ang paglalabas aniya ni Overall Deputy Ombudsman Arthur Carandang ng umano’y bank account niya na galing sa Anti-Money Laundering Council (AMLAC), ay ilegal, pinindot lang at lahat ng lumabas na numero ay ‘pinlus’ upang umabot sa bilyon-bilyong piso.

(ROSE NOVENARIO)

COMMENTS
Rose Novenario

Share
Published by
Rose Novenario

Recent Posts

Polo Ravales, thankful sa bagong project sa BG Productions International

BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong…

4 hours ago

Coco, sobra-sobra ang respeto sa pulisya; dialogo kay Albayalde, hiniling

HUMINGI ng paumanhin kamakailan si Coco Martin kay Philippine National Police Director General Oscar Albayalde gayundin sa buong pulisya kung hindi naging maganda ang dating…

4 hours ago

Calvin at lola nito, gagawing endorser ni Vice ng kanyang Vice Cosmetics

ANIMO’y may rally o kampanya kahapon ng hapon sa Market Market dahil sa rami ng taong nag-abang sa pagdating ni Vice…

4 hours ago

Kris Aquino, kakasuhan ang abogadong kapatid ni Nicko Falcis

NAGLABAS ng statement si Kris Aquino sa pamamagitan ng kanyang mga abogado sa Divina Law bilang tugon sa mga ipinahayag ni Atty. Jesus Falcis sa media…

4 hours ago

Ilong ng motorista ‘umuusok’ sa konsumisyon vs Pasay City ASBU

ANO ba talaga ang papel ng Anti-Smoke Belching Unit (ASBU) ng Pasay City?! Sitahin ang mga lumalabag sa kanilang ordinansa…

5 hours ago

Comelec: Walang masama sa pagtakbo ni Alan at Lani sa Taguig

ANG Commission on Elections na mismo ang nagsabi na walang illegal o masama sa pagtakbo ni dating Foreign Affairs Secretary…

5 hours ago