Thursday , March 28 2024

Suka ni Ryza Cenon,kinain na parang kanin

HINDI namin mawari kung ano ang magiging reaksiyon nang kainin ni Ryza Cenon ang suka niya dahil grabeng nalasing nang mag-inuman sila ni JC Santos.

Animo’y kanin na dinakot iyon ni Ryza para muling isubo. Nakaka-iww at nakahahanga na walang keber na ginawa iyon ng aktres.

Isa ito sa tagpong mapapanood sa kasalukuyang handog ng Viva Films at The IdeaFirst Company, ang Mr & Mrs Cruz na ukol sa dalawang indibidwal na nagkita at nagkasama sa isang bakasyon sa Palawan. Parehong bigo sa pag-ibig, ang isa ay nang-iwan at ang isa’y iniwan.

Ang Mr & Mrs Cruz ay idinirehe ni Sigrid Andrea Bernardo na tulad ng Kita Kita na pinagbidahan nina Alessandra de Rossi at Empoy, dalawa rin ang tauhan. Porte na talaga ni Direk Sigrid na dalawa lang ang tauhan sa kanyang pelikula.

Ang isa pa sa naloka kami at dapat ay hindi kayo pumikit kapag pinanood ito ay nang ipasuot ni JC ang kanyang brief kay Ryza. Nag- ala-MacGyver si JC, pero opp’s ayaw  niyang itawag iyon sa kanya kundi nalaman niya iyon sa pamamagitan ni Google. Iyon ang nang gawin niyang bra ang kanyang brief dahil ‘di sinasadyang nasira ang suot-suot na pang-itaas ni Ryza.

Lumabas namang cute at maganda ang brief-bra na aliw na aliw kami. Naitanong nga ng aming katabi kung isusuot namin ang brief ng isang hindi mo naman masyadong kilala kapag nangyari ang ganoon? Well, tingnan na lang natin, ha ha ha.

Aliw din ang eksenang parehong lango na sina Ryza at JC. Ang galing-galing ni Ryza na animo’y lasinggera talaga. Rito’y nag-open up silang dalawa sa kung ano ang nangyari sa kanila kaya lumipad sila sa Palawan ng walang kasama.

Nagtagumpay din si Direk Sigrid sa pagpapakita kung gaano kaganda ang Palawan. At tiyak marami ang magsasabing ‘punta tayo ng Palawan’ kapag napanood ang pelikula dahil talaga namang ipinakita ng director ang napakagagandang tanawin-lugar doon.

 

 

 

 

 

About Maricris Valdez Nicasio

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *