Wednesday , February 21 2018
Breaking News
You are here: Home / Showbiz / Ikaw Lang Ang Iibigin, hindi binitiwan ng viewers
Ikaw Lang Ang Iibigin, hindi binitiwan ng viewers

Ikaw Lang Ang Iibigin, hindi binitiwan ng viewers

HINDI bumitaw ang viewers sa Ikaw Lang Ang Iibigin kahit ngayong araw na ang pagtatapos nito.

Gusto kasi nilang malaman kung ano ang gagawin nina Kim Chiu at Gerald Anderson na hindi sumuko ang puso sa pangarap at pag-ibig.

Ginamit nina Carlos (Jake Cuenca) at Isabel (Coleen Garcia) ang anak nina Bianca (Kim) at Gabriel (Gerald)  para makapaghiganti at bawiin ang lahat ng nararapat sa kanila.

Pagbabayaran na ni Carlos ang lahat ng kanyang kasalanan nang mabisto ang ugnayan niya sa mga sindikatong gustong patayin si Gabriel, pati na rin ang walang awang pagpatay niya kay Nanay Maila (Bing Loyzaga), ang ina ni Bianca, kasama ang ama niyang si Rigor (Daniel Fernando).

At dahil sa patong-patong na kaso, ‘di na nakawala si Carlos sa kanyang  pagkakakulong at habambuhay na pagdurusa sa selda. Ngunit hindi naging hadlang ang kulungan sa kanyang kasamaan dahil nakipagsabwatan ito sa asawang si Isabel upang dukutin ang anak ng mortal nilang kaaway para muling mapasakanila ang kayamanang dapat nilang nakuha.

Ito ang pinakamalaking hamon kina Bianca at Gabriel ngunit hindi sila sumukong mabawi ang kanilang anak at  gawin ang lahat para mailigtas ito nang magkasama.

Samantala, patuloy sa pangunguna ang Ikaw Lang ang Iibigin sa huling linggo nito.

Noong Lunes (Jan 22), nagkamit ang serye ng national TV rating na 18.9%, kompara sa katapat nitong The Lolas’ Beautiful Show na nakakuha lamang ng 6.3%, ayon sa datos ng Kantar Media.

Mainit din ang pagtangkilik ng netizens sa teleserye sa pangunguna nito sa listahan ng trending topics sa Twittermatapos umani ng libo-libong tweets.

COMMENTS

About Maricris Valdez Nicasio

Scroll To Top
 

Copyright © 2009 - 2017 hatawtabloid.com | All Rights Reserved