Kris, pinuri ang may-ari ng Petalier at Blloons

Maricris Valdez Nicasio January 24, 2018 Showbiz

KAUGNAY ng Valentine Gift Ideas na itinatampok ni Kris Aquino sa kanyang Facebook blog, ang may-ari ng Petalier Flowers at Blloons Luxury Balloons naman ang binigyan niya ng pagkakataong maibahagi ang magagandang produkto nito.

Sina Lauren Bea Wang Silverio (CFO) at Diane Yap, CEO at Founder ng Petalier at Blloons ang binigyang pagkaka-taon ng Queen of Online World para maipakita ang iba’t ibang bouquet idea na sinamahan pa ng balloon para mas maging extra special ang Valentine.

Business partners at bestfriend sina Lauren at Diane na grade 4 pa lamang nang mabuo ang pagkakaibigan.

May tatlong part ang ginawang interbyu sa kanila ni Kris na kung gusto ninyong mapanood ay nasa FB page niya. Roon, hinangaan ni Kris ang magagandang flower arrangement at malalaki at sorpresang hatid ng mga balloon.

Ani Kris nang maka-chat namin ito isang araw, ”She is super CREATIVE!,” patungkol kay Diane nang ipabatid namin sa kanya na anak ng aming publisher ang kanyang nainterbyu.

“Nakaka-AMAZE! And only 25!” dugtong pa ni Kris.

Hinangaan din ni Kris ang Truly amazing naman talaga ang produkto ng Petalier na ang mga bulaklak na ginagamit ay puro imported. Apat na klase ng bulaklak lamang ang ginagamit nila—Ecuadorian Roses, Hydrangeas, Peonies, at Tulips.

Ang giant balloons naman nila ay tumatagal ng hanggang isang linggo na napapalamutian ng imported materials, hand crafted. Bukod pa sa mayroon silang 20 colors ng balloons.

Nagpasalamat naman si Diane sa oportunidad na naibigay sa kanila ni Kris. Sa FB post ni Diane, sinabi nitong, ”Got interviewed today by the one and only, queen of all Philippine media, Kris Aquino!!! Beyond grateful to have this kind of opportunity. þ Thank You, Lord!”