Thursday , March 28 2024

Ryan, kinatigan si Robin (sa pagsita sa Koreano)

NAIINTINDIHAN ni Ryan Bang si Robin Padilla sa kabila ng tambak na pamba-bash sa actor dahil sa pagsita niya sa Korean contestant ng Pilipinas Got Talent. Hindi kinampihan ni Ryan ang kapwa Koreano.

May point naman si Binoe. Dapat ay pag-aralan ang Tagalog at magbigay galang ‘pag humihingi ng pabor dahil ‘yun ang ugaling Filipino.

“Actually, napanood ko. Tama naman si idol doon kasi bilang Koreano rin ako..sabi ng contestant sampung taon siya sa Pilipinas at sinabi niyang pusong Pinoy siya tapos sa bandang huli nagsalita rin siya ng Tagalog, ‘yun pala marunong pala siyang mag-Tagalog, (sana umpisa pa lang ay nagsalita na ito ng Tagalog). Dapat alam na niya ang culture ng  Philippines,” sambit ni Ryan.

“Hurado sila eh, judge sila. Puwede naman niyang sabihin Kuya Robin, Hurado Robin, idol Robin o Ate Angel, Mommy/Ma’am Vice, Sir Robin, puwede naman siyang ganoon, eh! Si Kuya Robin kasi ay Filipinong-Filipino. ‘Di ba, actually ang Filipino ay magalang, mas matanda sa ‘yo dapat irespeto, eh, contestant siya, dapat sinabi niya Sir Robin, puwede kayong… tapos nag-English na siya.

“Bilang Koreano, naiintindihan ko rin siya na siguro mas comfortable siya sa English, nag-aral siya sa International school pero bilang contestant sa ‘Pilipinas Got Talent,’ dapat unang salita niya ay Tagalog. Puwede niyang sabihin, magandang gabi..Kuya Robin.

“Si Kuya Robin medyo masama siguro kasi tama naman nasa Pilipinas siya, hindi man lang siya magalang. ‘Hi Kuya Robin, Hello po’ pero sigurado ako,  pagbalik niya ay magta-Tagalog na siya,” sambit pa ni Ryan.

Ano ang masasabi niya sa bashers ni Robin na mali ang ginawa niya? Ipinahiya raw niya ang Koreano?

“Hindi..’yung sinabi ni idol bilang anak, parang ama lang na tinuturuan ito. Bumawi naman si idol, niyakap niya. Wala namang masamang sinabi si idol, tama lahat. Dapat bilang isang contestant ay mag-effort siya na mag-Tagalog,” sey pa ni Ryan.

Willing din si Ryan na turuan ang Korean contestant kung paano magbigay galang at mga culture sa Pilipinas.

Anyway, hindi pinersonal ni Robin ang Korean contestant dahil nag-yes ito bilang hatol sa PGT kaya pasok pa rin ito para bumalik sa show.  Sa mga hindi rin nakaaalam, sidekick si Ryan ni Robin sa bagong serye ng ABS-CBN 2 na Sana Dalawa Ang Puso Ko with Jodi Sta. Mariaat Richard Yap.

About Roldan Castro

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *