Sunday , July 22 2018
Breaking News
You are here: Home / Opinion / Pilferage sa Clark ikinairita nang husto ni Pangulong Digong
Pilferage sa Clark ikinairita nang husto ni Pangulong Digong

Pilferage sa Clark ikinairita nang husto ni Pangulong Digong

HANGGANG nitong Biyernes ay hindi matanggal-tanggal ang init ng ulo ni Pangulong Rodrigo “Digong” Duterte sa nangyaring pilferage sa Clark International Airport na ang nabiktima ay kababayan nating overseas Filipino workers (OFWs).

Sa kanyang pahayag nitong Huwebes sa muling paglulunsad ng Overseas Filipino Bank, nagpupuyos na sinabi ng Pangulo na sisibakin niya ang mga empleyado at opisyal sa mga Airport sa bansa kapag naulit ang nasabing pilferage.

Bagamat sinibak na ng Miascor ang anim na staff nilang sangkot sa nasabing pilferage ay mariing nagpahayag ng diskontento ang Pangulo sa serbisyo ng ground handler company kaya nais niyang tanggalin ito sa Airport.

At ang latest, ipinai-implement na ang termination sa kontrata ng Miascor sa airport.

Nauunawan natin ang Pangulo sa kanyang nararamdaman.

At ramdam din ito ni Manila International Airport Authority (MIAA) general manager Ed Monreal kaya naman pagkaupo niya ay ito kaagad ang kanyang tinutukan.

Pinadagdagan niya ang mga CCTV camera at mga security personnel sa baggage loading ground.

At lahat ng mga uniporme ng loaders ay pocket­less.

Thank you GM Ed Monreal sa iyong pagsisikap na linisin ang masasamang gawi at gawain (gaya noong araw) sa NAIA.

Sana ay maging mahigpit din ang airlines sa pagbabantay dahil kung minsan ay doon sa point of origin nagaganap ang pilferage.

Pero dahil hindi nga naging metikuluso ang ilang airline officer kaya hindi napapansin na mayroong naganap na pilferage sa kanilang pinanggalingan.

Huwag na po ninyong painitin pa ang ulo ng Pangulo.

‘Yun lang po.

NO TALK, NO MISTAKE BA
ANG POLICY NI LTFRB CHAIR
ATTY. MARTIN DELGRA III?

MALAPIT nang maubos ang daliri ng inyong lingkod sa dami ng mga inirereklamong eskandalo laban sa mga opisyal ng Land Transportation and Regulatory Board (LTFRB).

Bukod sa mga naunang tinalakay ng inyong lingkod, nabuking na hindi lang pala ang mga huli ng LTFRB ang nakapila sa East Avenue.

Hindi kukulangin sa 10 bus umano ang nakatago sa Magalang Street na katabi mismo ng LTFRB.

Magkano?! Este anong dahilan?!

Kaya huwag nang magtaka kung bakit grabe ang buhol-buhol na traffic sa area na ‘yan.

Kamakailan ay nag-resign na si Atty. Aileen Lizada bilang spokesman ng LTFRB.

Ang balita natin, hindi na raw kayang ipagtanggol ni Lizada ang kapalpakan ng isang Boss Tik as in butiki  alyas Tsuktsak na umaastang bossing nila.

Ngayong wala na si Lizada bilang spokesrespon, paano na ang taongbayan?

Ang balita, hindi naman daw nagpapaunlak ng interview si Atty. Delgra. Ang hula ng marami, tila ayaw raw magpa-interview sa media kasi umiiwas yatang matanong kung natuklasan na ba niya kung sino ang opisyal na manyakol na kung tawagin ay Boss Tsuktsak?!

At ‘yung opisyal ng LTFRB sa Region IV-A na nagpapatayo ng malaking gusali sa Leyte, na­kita na rin kaya niya?!

Hindi natin malalaman ang sagot diyan kung hindi magsasalita si Atty. Delgra. Lalo na kung pipillin niyang mag-resign na lang kaysa mapitpit ni Pangulong Digong.

Simpleng-simple lang ang prinsipyo ni Atty. Delgra, “no talk, no mistake.”

E kung bigla nga naman siyang masilat, ti­yak laglag!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright © 2009 - 2017 hatawtabloid.com | All Rights Reserved