Wednesday , February 21 2018
Breaking News
You are here: Home / Showbiz / Doc Ramos, papasukin ang pagpo-prodyus
Doc Ramos, papasukin ang pagpo-prodyus

Doc Ramos, papasukin ang pagpo-prodyus

INSPIRATIONAL ang life story ni Doctor Ramon Ramos. Puwede siya sa Magpakailanman o MMK. Gusto niya ay si Alden Richards ang gumanap ng buhay niya ‘pag na-feature ito dahil pareho silang Tisoy.

Ang story niya ay magsisilbing gabay ng mga adopted child na hindi dapat magrebelde.

Posibleng mag-prodyus ng pelikula si Doc.  Ramos pero baka bumakas na lang siya sa lehitimong production dahil hindi niya linya ang business na ito.

Madrama ang buhay niya dahil ipinaampon siya dalawang araw pa lamang pagkapanganak ng kanyang ina. Pero ngayon ay matagumpay siyang doctor at isa sa may-ari ng Imus Institute of Science and Technology sa Cavite.

Kamakailan ay tumanggap siya ng award sa Diamond Golden Award bilang medical consultant ng charity activities ni movie produ Baby Go. Nakasabay niya sina Ana Capri na tumanggap ng karangalan sa acting at si Aiza Seguerra sa larangan naman ng pagkanta. Binigyan din siya ng Roma ng parangal dahil for 15 years ay sponsors siya ng orphanage sa Jesus Good Shepherd.

“Ang kailangan lamang ay don’t have self-pity, you have to struggle, otherwise nothing will happen to you. Huwag isipin ang past, you go… think of your future and how to help other people and that’s it. When helping other people, the people you help will help other people also. So, it’s a win-win solution.

“So, life must go on, huwag mong titingnan ang past mo, go for your future. That’s the way it is,” deklara niya.

Kaya naman, masaya siya ngayon na tumutulong sa medical mission.Gusto niyang i-share sa tao ang kaya niyang itulong dahil hindi ito ipinagkait sa kanya ng mga nag-ampon sa kanya.

“Nagiging Medical Consultant ako sa mga charity activity sa mga diffrent barangays in Metro Manila. So, everytime na may mga outreach program sa mga less privilege barangays, nandoon po tayo kasama ang mga doctor na kinukuha rin sa diferrent hospitals dito sa Metro Manila,” deklara niya.

Saludo kami kay Doctor Ramon Ramos.

COMMENTS

About Roldan Castro

Scroll To Top
 

Copyright © 2009 - 2017 hatawtabloid.com | All Rights Reserved