HATAW! D'yaryo ng Bayan hatawtabloid.com
MAY pinagdaraanan ang relasyon ni JC Santos sa stage actress na si Teetin Villanueva. Inamin niya na my problema sila.
Pero, hindi naman siguro dahil pinagselosan niya ang leading lady ni JC na si Ryza Cenon. Halata kasi sa pelikulang Mr. & Mrs Cruz na may sexual chemistry sila sa trailer ng kanilang pelikula. Hitsurang may feelings sila sa isa’t isa.
“Tsinaga po namin na maging ganoon, eh Pinilit po namin, nagkuwentuhan po kami,” paliwanag ni JC.
“Once na nasa set na hindi po kami si Ryza o si JC. Naka-character na po kami niyon,” dagdag naman ni Ryza.
“Ayoko namang maging sanhi ng paghihiwalay! Ha! Ha! Ha! Pero nakitaan ko na bagay sila, so lalo akong na-excite. Kaya noong rehearsals, ‘yun talaga ang ginawa namin. Siyempre noong una, off pa sila dahil hindi sila magkakilala, eh. Nang tumagal na, natuwa ako. I am really happy na nag-work talaga ang chemistry nila. Nagdududa na nga ako, eh! Ha! Ha! Ha!,” deklara ng kanilang director na si Sigrid Andrea Bernardo ng Kita Kita.
Idiniin naman ni Ryza na hindi seloso ang boyfriend niyang si Cholo Barretto. Hindi magseselos ito ‘pag napanood ang movie dahil sobrang supportive nito sa lahat ng ginagawa niya.
Inihahandog ng VIVA Films at ng The IdeaFirst Company ang kanilang unang pasabog para sa 2018. Isang pelikula tungkol sa love, commitment at marriage ang Mr. & Mrs Cruz .
Sa Mr. & Mrs Cruz, tatalakayin naman ni Direk Sigrid ang isang usapin na kasama palagi ng love, ngunit madalas na iniiwasang pag-usapan: ang commitment. Ito ang unang beses na pagtatambal sa pelikula nina JC at Ryza ngunit ngayon pa lang ay hindi na maitatanggi ang kanilang chemistry.
Ang buong pelikula ay kinunan sa napakagandang isla ng El Nido Palawan.
“Literal na buwis buhay,” bulalas ni Direk Sigrid. Sa isa sa kanilang mga shooting day, muntik nang ma-trap sa isang exclusive beach ang grupo.”Sobrang chill lang kami. Nagkakantahan pa in between shots, not knowing na super high tide na pala sa labas ng exclusive beach na pinagsu-syutingan. Bago ka kasi makarating doon sa exclusive beach, kailangan mo munang pumasok sa isang cave. Sinabihan na lang kami ng guide na kailangan na naming lumabas dahil malakas ang ulan at mataas na ang tubig sa labas. So, lumalabas pa lang kami ng cave ramdam na namin na mataas na talaga ‘yung tubig. As in, kailangan mong sumisid para makalabas ka.”
Magiging maaga ang Valentine’s Day ngayong 2018, sa paglabas ng Mr. & Mrs Cruz sa mga sinehan ngayong January 24.
TALBOG!
ni Roldan Castro
