Friday , March 29 2024

Direk Carlo, araw-araw dinadalaw ang puntod ni Tita Donna Villa

SA aming munting paraan ay nais naming gunitain ang first death anniversary (January 17) ng isa sa mga most loved showbiz figures na aming nakilala and became close to: si Tita Donna Villa.

Last year nang mamaalam ang mabait at press-friendly actress-tuned-film producer (sa likod ng kanilang Golden Lions Films ng kanyang kabiyak na si direk Carlo J. Caparas) sa karamdamang may kaugnayan sa kanyang reproductive organ.

Tandang-tanda namin ang araw na ‘yon, nasa kalagitnaan kami ng pagraradyo nang makatanggap kami ng isang text message mula sa isang tagapakinig. Ibinalita kasi sa GMA online ang pagpanaw ni Tita Donna.

Kaagad na tumawag ang aming radio partner sa family friend cum secretary ni Tita Donna na si Tita Nene Mercado para kompirahin ang balita.

Labis na ikinagulat ‘yon ni Tita Nene, pero agad din niya kaming binalikan sa telepono. Hindi nagtagal, nakompirma ni Tita Nene ang malungkot na balita: wala na nga si Tita Donna.

Christmas time noong 2016 pala noong ma-confine na si Tita Donna sa isang ospital sa Maynila, pero mahigpit nitong bilin ay huwag ipaalam ang krisis na pinagdaanan ng kanyang pamilya.

Tita Donna is survived by direk Carlo J at ng kanilang dalawang supling na sina Peachie at CJ. While Peachie has shown interest tulad ng sa kanyang ama, sa larangan naman ng pag-arte nalinya si CJ.

Bago pumanaw ay nagbilin na pala si Tita Donna sa kung ano ang nais niyang mangyari with her mortal remains: ang i-cremate, na ang kalahati’y ililibing in her native Cebu at ang other half ay nasa pangangalaga ng kanyang naiwang pamilya.

Kay Tita Donna umiikot ang mundo ni direk Carlo. This explains kung bakit mas pinili ng batikang nobelista-direktor na mamalagi sa Cebu kaysa manatili sa Maynila para muling harapin ang kanyang trabaho.

Nakamatayan na nga ni Tita Donna ang matagal nang in-the-can na pelikula nilang Miracles of Love, isang trilogy, sa pakikipagtulungan kay Bro. Mike Velarde ng El ShaddaiIn Golden Lions’ return to the fold, ang nasabing pelikula—na pinagbibidahan ni Richard Gutierrez, among others—follow-up offering nila sa Angela Markado that starred Andi Eigenmann.

Patunay na walang kamatayan ang pagmamahal ni direk Carlo sa kanyang butihing maybahay ang ‘di niya pagliban sa puntod nito sa Mactan Memorial Garden. Si direk Carlo rin ang nag-aalay ng iba’t ibang makukulay na bulaklak doon at naglilinis ng paligid kung saan nakahimlay si Tita Donna.

Isang taon na ang nakalipas buhat nang mamaalam si Tita Donna sa mundong minahal niya at minahal din siya ng labis.

Nagdaan man ang isang taon pero buhay pa rin ang magandang alaalang iniwan ni Tita Donna whose kindheartedness had touched so many lives sa industriyang ito.

HOT, AW!
ni Ronnie Carrasco III

About Ronnie Carrasco III

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *