Thursday , March 28 2024

Juday, dapat nang bumalik sa paggawa ng teleserye

NAGBALIK na si Judy Ann Santos sa mainstream movie, sa pelikulang Ang Dalawang Mrs. Reyes. Iyan ay matapos na makagawa siya nang halos sunod-sunod na mga pelikulang indie. Nakalulungkot naman na nang gumawa siya ng indie, kagaya ng karaniwang nangyayari, hindi rin kumita ang mga iyon. May isa pang pelikula na nalugi pati siya dahil sumosyo siya sa produksiyon mismo ng pelikula.

Isa iyan sa natatandaan naming naging problema nila noon ng dati niyang manager, na nagalit nang gumawa siya ng indie films na hindi nagpaalam dahil alam naman niyang hindi siya papayagan. Pero kagaya rin ng iba pang mga artista, gusto rin naman siyempre niyang masubukan ang gumawa ng indie. Pero ngayon nagbabalik na siya ulit sa mainstream dahil talaga namang naroroon ang labanan sa industriya. Kailangan ang mga mainstream para suportahan ng publiko at makalabas nang sigurado sa mga sinehan. Dala na rin kasi ang mga sinehan na nalulugi lamang sa mga pelikulang indie.

Ngayon sinasabi nga nila, medyo malalaki na rin naman ang mga anak ni Juday, at baka maaari na rin niyang balikan ang paggawa niya ng mga teleserye. May panahong dominated ng mga show ni Juday ang primetime. Siya ang humawak ng primetime ng matagal na panahon din, hanggang sa nagsawa yata siya at tumigil na muna, lalo na noong panahong sinasabing gusto naman niyang magka-baby na. Ngayon pareho na ang dalawa niyang anak na hindi na masyadong alagain, kaya bakit nga ba hindi rin niya balikan ang teleserye kung iyon ang mas magtutulak pa sa kanyang career?

Pero sinasabi nga rin ni Juday, na bagamat binabalikan na niya unti-unti ang kanyang career, mas priority pa rin niya ang kanyang pamilya. Eh kasi naman, iyang si Juday ang kahit na siguro hindi na magtrabaho ay ok naman ang magiging buhay nila. Pero sayang din naman dahil hinahanap iyon ng kanyang fans.

HATAWAN
ni Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *