Friday , March 29 2024

Jodi, topnotcher sa Southville Int’l School and Colleges

TOP 1 student sa Psychology si Jodi Sta. Maria sa Southville International School and Colleges sa BF Homes International sa Las Pinas City nitong nakaraang term. Ang Grade Point Average n’ya ay 3.670.

‘Yan ay ayon sa sarili n’yang postings sa kanyang Instagram (@jodistamariaph) ilang araw lang ang nakararaan. Pinakunan n’ya ng litrato ang kanyang sarili na may hawak na certificate na nagsasabing siya ang topnotcher sa Psychology sa nasabing international school ng napakayayamang estudyante, kabilang na ang mga foreigner.

Ang certificate of excellence ay ipinagkaloob sa kanya ng faculty (mga guro) ng Psychology Department. Kasama ni Jodi ang ilan sa faculty members ng department sa pangalawang litratong ipinaskil n’ya sa kanyang IG.

Ibinalita rin n’ya na pampito (seventh) ang rank n’ya sa academic achievement sa buong college department.

Ma-maintain pa kaya n’ya ang ganoong ka-impressive na academic performance ngayong may bago siyang matinding teleserye sa Kapamilya Network?

Sa bago n’yang teleseryeng Sana Dalawa ang Puso, dual ang role n’ya, at katambal n’ya sina Robin Padilla at Richard Yap.

May mga nagsasabing kaya napakamaayos at napaka-produktibo ng buhay ni Jodi ngayon ay dahil sa ginawa n’yang pagpapatawad at pakikipagkasundo sa bale ex-husband n’yang si Pampi Lacson (anak ni Sen. Panfilo Lacson, na hindi pa annulled ang kasal nila.)

A few months ago, si Jodi at ang anak nilang lalaki (si Thirdy, na 12 years old na), pati na ang boyfriend niyang si Jolo Revilla, ay nakipag-dinner pa kay Pampi, na kasama naman ang girlfriend n’yang si Iwa Moto (dating aktres).

Samantala, ang mag-sweetheart na sina Liza Soberano at Enrique Gil ay schoolmates ni Jodi sa Southville. Wala silang postings sa Instagram tungkol sa academic standing nila. Kababalik lang nila mula sa pagbabakasyon-grande sa ilang bansa sa Europe, kabilang na ang Spain, na pinagmulan ng angkan ng pamilya ni Enrique.

KITANG-KITA KO
ni Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *