Friday , March 29 2024
Bulabugin ni Jerry Yap
Bulabugin ni Jerry Yap

Lifestyle check sa Region IV-A LTFRB official

MATAPOS natin ikolum ang manyakol na opisyal ng Land Transportation Franchising and Regulatory Board (LTFRB), heto, isa pang opisyal ang dapat na isalang sa lifestyle check dahil sa kagulat-gulat na pagyaman.

Alam kaya ni LTFRB chief Martin Delgra III na mayroon siyang isang opisyal sa Region IV-A na nagpapatayo ngayon ng isang 3-storey mansion sa Tacloban?

Ang lupit ng bata ninyo, Atty. Delgra!

Baka naman daig pa kayo niyan sa paggawa ng pera?!

Mantakin ninyong nagpapatayo ng 3-storey mansion?!

Hindi naman daw nagtataka ang mga taga-LTFRB sa kapasidad ni Region IV-A official. Mayroon daw talagang pagkukuhaan  ng ipangtatayo ng mansion.

Lahat daw kasi ng papeles na dumaraan sa kanyang tanggapan ay ‘mababalaho’ kapag hindi nilagyan ng padulas.

E ilang papeles ba ang dumaraan sa kanyang opisina araw-araw?!

Aba, e ‘di malinaw na pitsang-pitsa ‘yan?!

Atty. Delgra, wala ka bang balak paimbestigahan kung sino ‘yang opisyal mong manyakol at opisyal na yakang-yakang magpatayo ng 3-storey mansion sa  Tacloban?!

Maliwanag ang sabi ni Pangulong Rodrigo “Digong” Duterte, ayaw niya ng corrupt!

Imbestigahan na ‘yang mga LTFRB official na ‘yan!

JV & JINGGOY
MAGSASAMA
SA SENADO?

PINAG-UUSAPAN ngayon kung sabay bang tatakbong senador ang mag-utol sa tatay na sina Senator JV Ejercito at Jinggoy Estrada sa 2019?!

Pero malakas daw ang ugong na tatakbong mayor sa Maynila si Jinggoy?!

O sa San Juan tatakbong mayor si Jinggoy?!

Kung sa Senado, hindi kaya maging katawa-tawa sila?!

Noon, okey lang magsama ang mag-nanay na sina Senator Loi at Jinggoy sa Senado.

E ang mag-half bro na sina JV at Jinggoy, okey lang ba?!

Ano ang magiging relasyon nila kung sakali?

E alam na alam ng madlang people na walang ‘sweetness’ ang mag-utol kundi puro ‘sour’ lang.

Abangan natin kung ano ang magiging ‘konsesyon’ ng mga anak ni Yorme Erap.

E talaga namang kaabang-abang ‘yan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *