Friday , August 17 2018
Breaking News
You are here: Home / Opinion / Mahabang pila hindi dapat isisi sa IOs
Mahabang pila  hindi dapat  isisi sa IOs

Mahabang pila hindi dapat isisi sa IOs

NITONG nakaraang kapaskuhan dagsa ang libo-libong pasahero sa airport kaya naman tumambak ang dami at haba ng pila sa arrival and departure counters ng Immigration sa airport.

Naging problema ang bagong implement na fingerprint scan at facial recognition na ipinatutupad sa immigration counters.

Kung dati ay inaabot ng 10 seconds per assessment ang isang pasahero, nitong nakaraang peak season ay naging 40 seconds per assessment ang bawat pasahero.

Trenta segundo ang nadagdag sa bawat pasahero kaya naman hindi malayo na tumambak ang pasahero sa immigration areas.

Nandiyan din ang familiarization sa bagong sistema kaya naman hindi natin masisi kung kailangan ng adjustment para sa mga IO.

Pero ano itong narinig natin na maraming lumalabas na errors and glitches pagdating sa computers sa counter?

READ MORE:  Bakit may nagtataksil?

‘Di kaya dapat munang tiyakin na walang lalabas na problema para hindi naman nasisisi ang mga walang malay na IOs sa airport?

Calling the attention of BI-MISD, baka naman puwede gawing error-free ang bagong sistema?

KAPALPAKAN
NG KIA MANAGER
‘WAG ISISI
SA IMMIGRATION

KUNG meron daw isang ‘kups’ na CAAP manager sa airport, ‘e  isa na nga raw si Kalibo CAAP Manager Efren Nagrama?!

Wala raw kasing alam sisihin ang isang ito kundi ang mga tao sa KIA kapag nakitang humaba ang pila sa immigration counters.

Akala yata niya, mga robot na de-baterya ang mga IO sa airports at kinakailangan ay todo paspas sa pagtatak ang mga tao roon.

Alam kaya ni Airport kups ‘este Nagrama na 37 flights daily ang dumarating at umaalis na eroplano sa KIA?

READ MORE:  Sulsol ng dilawan sa EDSA 1 celebration

Halos 6000 passengers daily ang kailangan i-clear ng mga IO at hindi basta tatak lang at encode ang kanilang gagawin kundi kailangan i-assess mabuti ang mga pasahero para siguradong walang terorista o blacklisted na makapasok sa ating bansa.

Sa ngayon ay may apat (4) arrival counters at three (3) departure counters ang immigration roon.

Kahit si Superman pa siguro o Wonder Woman ang ilagay mo roon ay hindi maiwasang dumami ang mga tao sa area?!

Madalas nga raw ay hindi na nakakakain sa oras o nakapupnta sa CR man lang ang mga IO, magampanan lang ang kanilang sinumpaang tungkulin.

Alam kaya ni KIA CAAP manager kups ‘este Nagrama ‘yan?

READ MORE:  Sinungaling na magnanakaw pa…

Bakit hindi niya asikasohin ang pagpapalaki at upgrade ng kanyang munting airport at dagdag na immigration counters para i-accommodate ang 37 flights niya araw-araw?

At huwag ka!

Nagpadagdag pa raw ng 12 flights mula China si kolokoy para lang masabi na busiest airport siya sa Filipinas!

Wow!

Ang kapal niya ha?!

Hindi kaya may komisyon ang mokong sa mga flights na ‘yan?

CAAP DG Jim Sydiongco baka naman puwedeng i-seminar sa tamang airport operations ng KIA CAAP manager mo dahil mukhang wala na sa tamang huwisyo?!

 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

 
 BULABUGIN
ni Jerry Yap

 

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved