Categories: Opinion

Senator Gatchalian nadale ng bashers

SABI ni Senator Sherwin Gatchalian, inubos ng social media bashers ang kanyang pasensiya kaya na-provoke siya at unfortunately ‘bumigay’ kaya nakapagbitiw ng mga mura ‘este salitang sabi nga ‘e inappropriate sa isang mambabatas na gaya niya.

Hinaing ng Senador, “First, these are trolls. They have been pro­voking me since before the campaign. They’re designed to demean you to bring out the worst in a person.”

‘Yun lang!

E klaro naman pala sa kanya kung ano ang layunin ng mga basher, bakit pinatulan pa niya?!

Pasintabi, hindi naman tayo anti o pro-Sherwin Gatchalian.

Ang gusto nating punahin dito ang napaka-abusadong paggamit sa social media ng mga basher.

Sa totoo lang, ‘yang mga mahilig mang-bash hindi naman maipakita ang kanilang tunay na identity.

Karamihan sa kanila nagtatago sa ibang karakter at pangalan pero kung makapang-bash wagas!

Hindi makatutulong sa ating pamahalaan at sa buong lipunan sa kabuuan kung hindi maipaaabot sa kinauukulan ang tunay na isyu.

Sabi nga, wala nang tatalas pa sa matabil na dila. Kapag nakapaghayag ng ‘nakasusugat’ na salita at nakasakit, mahirap na itong bawiin pa.

Sa insidenteng ito, walang panalo sino man kina Senador Gatchalian at sa kanyang bashers.

Sa ganang atin, walang lulutasin ang ano mang diskursong bastos. Wala itong ituturo sa magkabilang panig at lalong walang aral na makukuha ang mga kabataan.

Ang mga isyung panlipunan ay dapat na nilulutas pagkatapos ng debate at diskurso. Hindi ‘yung kapag natalo ang mga argumento nila ay biglang maghahagkisan ng matatalas na salita.

Huling payo, huwag tumipa ng letra para sa social media kung wala sa wisyo at mainit ang ulo.

‘Yun lang po.

MAY MANYAK
NA OPISYAL
SA LTFRB?!

AKALA natin lipas na ang ganitong klase ng kamanyakan sa mga tanggapan at ahensiya ng pamahalaan.

Hindi pa pala…

May remnant pa pala ang ‘old style’ na kamanyakan diyan sa Land Transportation Fran­chising and regulatory Board (LTFRB).

Apat na empleyadong babae na pawang nasa kabataan pa ang hanggang sa kasalukuyan ay hindi na malimutan ang ‘trauma’ na narasanan nila sa isang opisyal.

Ayon sa isang biktima, ipinatawag daw siya sa opisina ni LTFRB official.

Pagdating niya roon, sinabihan siya, “Umikot ka nga.” Umikot naman ang bata. Tapos ang sabi umano, “Mas maganda siguro kung naka-bikini ka.”

Sagot ng batang empleyada: “Hindi po ako nagbi-bikini.”

Sabin ng manyakol na opisyal, hindi raw puwede kasi isasama siya sa Boracay para sa isang conference na gagawin doon.

Ayaw man ay wala na umanong nagawa ang empleyada kundi ang sumama sa Boracay sa nasabing opisyal.

Heto na, nagkasabay sila sa lobby ng hotel. Nang makita siya ng opisyal, agad siyang inakbayan, sabay kabig tapos ‘yung kamay humagod sa likod ng batang empleyada papunta malapit sa kanyang buttocks.

Sonabagan!

Siyempre nagitla ‘yung batang empleyada sa bilis ng pangyayari kaya ang nagawa lang niya ay magtatakbo palabas at umiyak nang umiyak.

Nangangatog pa siya sa takot nang magsumbong sa isang admin officer at sa iba pang girls pero wala silang magawa.

Sobrang helpless ng mga biktima.

Opisyal ‘e!

‘Yung isang kaso naman, 20 anyos na job order (JO) employee. Maaga siyang pumapasok. Hindi niya alam, maaga rin pumasok ang man­yakol na opisyal na parang ‘yung buhong na ka­rakter ng nasirang artistang Martin Marfil sa pelikula.

Pinapunta siya sa pantry, akala no’ng emple­yada magpapagawa ng kape. Pinalapit pa siya sa opisyal, tapos sabi daw, “Hindi pantay ang T-shirt mo,” sabay lilis saka hinawakan ang tagiliran niya.

At sabi, “Mas maputi pala rito sa loob.”

Takot na takot na tumakbo sa labas ang batang empleyada. Nginig sa takot na umiyak sa comfort room.

‘Yung dalawa pang biktima, hindi nila maikuwento kung ano ang ginawa sa kanila. Parang hiyang-hiya o kaya ay hindi nila masikmura na ikuwento pa sa iba ang kababuyan ng manyak na opisyal.

Basta ang ginagawa nila ngayon kapag nakikita ang opisyal na kung tawagin nila ay ‘Butiking Manyak’ umiiwas na agad sila.

Aba, LTFRB chief, Martin Delgra III, Sir, mukhang maraming nabibiktima ang ‘Butiking Manyak’ sa mga batang-batang empleyada ninyo.

Kilala mo ba ‘yang ‘Butiking Manyak’ na ‘yan, LTFRB Chairman?!

Aba’y ‘yan ang dapat kalusin agad ng ating Pangulong Rodrigo “Digong” Duterte!

Corrupt na manyakol pa!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Share
Published by
Jerry Yap

Recent Posts

11 patay, 60 missing sa Cebu landslide

UMABOT na sa 11 katao ang kom­pir­madong namatay habang 60 ang nawawala sa pagguho ng bahagi ng isang bundok sa…

13 hours ago

Ken, na-pressure kina Miguel at Kris; aminadong nahirapan sa bagong serye

AMINADO si Ken Chan na mas hirap siya sa papel niya bilang Boyet sa My Special Tatay kaysa papel niya…

21 hours ago

Nadine, tumulong na, na-bash pa

WALA na talagang pinatatawad ang mga basher dahil kahit ang simpleng pagtulong sa mga nangangailangan ng mga artista ay bina-bash…

21 hours ago

Gabby, allergic pag-usapan si Sharon

NO reaction at ayaw magbigay ng komento ang mahusay na actor na si Gabby Concepcion kapag itinatanong si Sharon Cuneta.…

21 hours ago

‘Pagtakbo’ ni Dingdong, kinompirma ni Marian

SIGAW sa dyaryo, sasa­mahan ni Marian Rivera ang asawang si Dingdong Dantes sa pagtakbo.  Kaya marami ang nag-isip na papasok na ang aktor sa…

21 hours ago

Maine, inimbitahan ni Coco sa Ang Probinsyano

KUNG si Coco Martin ang masusunod, gusto nitong magkaroon ng special appearance si Maine Mendoza sa FPJ’s Ang Probinsyano para…

21 hours ago