Friday , March 29 2024
Bulabugin ni Jerry Yap
Bulabugin ni Jerry Yap

2018 trilyones na budget ng PH huwag na sanang dambungin

UMAABOT sa P3.77 trilyon ang pambansang budget ng ating bansa para sa 2018 na pirmado na ni Pangulong Rodrigo “Digong” Duterte,

Napakalaki ng budget na ito na ang may pinakamalaking hati ay Department of Education (DepED), Department of Public Works and Highways (DPWH), Department of Social Welfare and Development (DSWD) at Armed Forces of the Philippines (AFP).

Tiyak na tiba-tiba na naman ang network ng mga contractor na makakukuha ng proyekto, mga supplier at service provider na mananalo sa mga bidding na kanilang lalahukan.

Aba’y napakasuwerte namang tunay.

Sana’y magkaroon na nang maayos na sistema ang procurement offices at bids and awards committee upang hindi na mapaglunuyan ng mga ‘corrupt’ ang budget na dapat ilaan sa mga mamamayan.

Paging Department of Budget Management (DBM), sana’y mapakinabangan na nang husto ng mamamayan lalo na ‘yung mga maliliit nating kababayan ang trilyones na budget na ‘yan.

Sana’y makatulong ‘yang malaking budget na ‘yan para lumikha ng industriya at maraming trabaho na kailangang-kailangan ng mga mamamayan.

Magkaroon na rin sana ng maayos na sistemang pangkalusugan na hindi magagahasa ng mga pribadong ospital at big pharma.

Higit sa lahat, magkaroon ng sistema sa edukasyon na lilikha ng mahuhusay na propesyonal na hindi na kailangan mangibang bayan para mabigyan ng magandang kinabukasan ang kanilang pamilya.

Maisipan na rin sanang gumawa ng programa ng DOLE kung paanong unti-unti pauwiin ang ating overseas Filipino workers (OFWs) na nararahuyong magtrabaho sa ibang bansa kahit maliit lang din ang kita dahil walang matagpuang trabaho dito sa bansa.

At ang ating mga pagawaing bayan at sandatahang lakas? Sana’y maglingkod lahat para sa kagalingan  ng buong bansa.

Sana lang…

BORACAY
ANG PARAISONG
NABALAHURA

MATAGAL na nating pinupuna sa kolum na ito ang kabalahuraang nagaganap sa Boracay kaya hindi na tayo nagtataka sa balitang binaha ang itinuturing na paraiso ng Filipinas.

Pinuna na natin ang over construction ng mga hotel at iba’t ibang resort sa Boracay.

May nagsasabing, wala umanong maayos na sewerage system ang Boracay kaya bumaha.

Puwede.

Pero ang madalas nating sinasabi noon, halos wala nang regulasyon sa konstruksiyon ng mga gusali. Ultimo ang catch basin ng isla ay tinayuan na ng mga hotel at resort.

Saan pupunta ang tubig kapag umuulan kung ang dati nilang pinupuntahan ay mayroon nang konkretong gusali?!

Saan dinadala ang mga plastic na basura? Saan dumadaloy ang septic tank?

Nakalulungkot ang nangyayari ngayon sa Boracay…

Sabi nga ng isang kaibigan natin, hindi na paraiso ang Boracay.

Nakatatakot isipin na ilang panahon pa, ang Boracay na dating isang paraiso ay magiging isang isla ng mabantot na basura.

Let us save Boracay!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *