Categories: Opinion

Imbestigasyon sa NCCC matutulad lang sa RWM

Share

SABAY-SABAY na naman ang imbestigasyon sa nasunog na New City Commercial Center (NCCC) Mall sa Davao City na kumitil sa 37-katao.

Paiimbestigahan daw ang trahedya para makasuhan kung sino man ang mapapatuna­yang may dapat panagutan sa batas.

Bukod sa Department of Justice (DOJ), Department of Labor and Employment (DOLE) at National Bureau of Investigation (NBI), malamang na may iba pang ahensiya o tanggapan ng gob­yerno ang nagpa-planong magsasagawa ng sarili rin nilang imbestigasyon sa malagim na trahedya.

Ang masaklap kasi rito sa bansa natin, habang dumarami ang nag-iimbestiga sa insidente ay lalong gumugulo.Hindi na kailangan pang maging manghuhula para mahulaan na tulad sa mga nakaraang trahedya ay wala rin namang mangyayari dahil ang mga nag-iimbestiga ay natatapalan.

Naaalala n’yo pa ba ang trahedya sa Resorts World Manila (RWM) noong Hunyo?

Sa RWM ay 38 ang namatay at halos hindi nalalayo sa bilang ng nasawi sa NCCC.

Palibhasa bigtime at maraming salapi ang ope­rator ng RWM kaya pati ang Kamara at Senado ay nakisawsaw at nagpatawag ng magkahiwalay nilang imbestigasyon.

‘Di ba wala namang nangyari?

Mistulang orchestra na kinumpasan ang Kamara at Senado sa RMW nang maglahong parang bula pati ang ingay na umaalingawngaw mula sa hanay ng media matapos sa areglo de pataranta din nauwi ang kaso.

At katapus-tapusan, ang mga nag-iimbestiga pa ang lilitaw na abogado at spokesman ng kanilang inimbestigahan.

Only in the Philippines, ‘di po ba?!

HINDI KOREA
ANG PH

NAALALA natin ang pangyari sa gumuhong Mall sa South Korea noong 1995.

Kompara sa NCCC, mas marami nga lang ang bilang ng namatay sa bigla na lang pagguho ng Sampoong Department Store na umabot sa 501-katao, at mahigit sa 900 ang nasaktan.

Buwan ng Hunyo naganap ang insidente sa Sokor pero Diyembre ay agad naibaba ang hatol ng hukuman laban sa mga kinasuhan.

Si Lee Joon, may-ari ng Mall na noo’y 73 anyos, ay nahatulan ng sampung taon at anim na buwan na pagkabilanggo.

Ang kanyang 43 anyos na anak na si Lee Han Sang, pangulo ng kompanya, pitong-taon na pagkakulong ang naging hatol dahil sa “negligence” at “bribing government officials.”

Isinisi sa mag-ama ang pagguho ng gusali dahil sa “faulty design” at “poor construction” na nauwi sa malagim na trahedya.

Pinapanagot din pati ang mga opisyal ng lokal na pamahalaan sa Sokor.

Samantala dito sa atin ay hindi na mabilang ang nangyaring trahedya pero ni isa ay wala pang naparusahan.

SARILING
KONSTITUSYON
NI REP. EDCEL
LAGMAN

NAG-AAKSAYA lang ng panahon ang mga kumukuwestiyon sa extension ng Martial Law sa Mindanao.

Akala mo naman talagang may malasakit sa Saligang Batas at rule of law si Albay Rep. Edcel Lagman na nanguna sa paghahain ng kaso sa Korte Suprema para kuwestiyonin ang Constitutionality sa Martial Law extension.

Kaya lang naman tutol sa ML si Lagman at ang kanyang mga kaalyado niyang gago sa Kamara at Senado ay hindi dahil sa Constitutionality, kung ‘di dahil hindi nila kaalyado ang nakaupong pangulo ng bansa.

Kung talagang may rumerespeto sa Konstitusyon si Lagyan, ‘este Lagman, bakit hanggang ngayon ay wala siyang batas na naipanukala na magpapatupad sa Anti-Political Dynasty?

Ang hirap kay Lagman at sa mga hindoropot na politikong kasama niya ay ginagamit lang ang Konstitusyon kapag hindi kumokontra sa kanilang interes.

Sana, unahin munang ipanukala ni Lagman ang pagpapasa ng batas na bubuwag sa kasong libelo na ginawa ng Kongreso.

‘Di ba maliwanag na nasasaad sa Bill of Rights ng ating Saligang Batas: “No law shall be passed abridging the freedom of speech or of the press?”

Sa madaling sabi, labag sa Konstitusyon ang pagkakalikha ng batas sa libelo.

(Para sa anumang sumbong at reaksiyon, mag-text o tumawag sa 09174842180. Maaring ipadala ang inyong liham sa e-mail address: lapidfire_14@yahoo.com) 

 

COMMENTS
Percy Lapid

View Comments

Published by
Percy Lapid

Recent Posts

Kris, na-inspire kay Ellen DeGeneres

NA-INSPIRE si Kris Aquino sa American TV host na si Ellen Degeneres sa ginagawa nitong pamimigay ng regalo sa 12 days of Christmas Giveaways sa programa… Read More

2 hours ago

Martin at Gary, inisnab ng audience; Vice at Coco, tinilian, pinagkaguluhan

NALUNGKOT kami para kina Martin Nievera at Gary Valenciano dahil nang una silang tawagin para sa production number nila sa nakaraang Family is Love:  The… Read More

2 hours ago

Vice Ganda tiwala sa kanyang MMFF entry na “Fantastica”

MAS tripleng nakatatawa raw ang MMFF entry ngayong taon ni Vice Ganda na “Fantastica,” produced pa rin siyempre ng Star… Read More

2 hours ago

Dovie San Andres, gustong makasama sa movie ang idol at kaibigang si Rez Cortez

TOUCHED ang controversial personality sa social media na si Dovie San Andres at hanggang ngayon ay nakasuporta sa kaniya ang… Read More

2 hours ago

Filmmaker Direk Reyno Oposa, lalagari sa paggawa ng movie ngayong 2019

NEXT year, 2019 ay mas magiging in-demand si Direk Reyno Oposa sa paggawa ng pelikula at lalong na-inspired ang Toronto… Read More

3 hours ago

Coco at Maine, di puwedeng i-link dahil magkamag-anak

HINDI bagay na i-link sina Maine Mendoza at Coco Martin, dahil magkamag-anak pala ang dalawa sa bida ng pelikulang ‘Jack… Read More

3 hours ago