Sunday , July 22 2018
Breaking News
You are here: Home / Showbiz / Ruben Maria Soriquez bilib kina Sharon at Robin
Ruben Maria Soriquez  bilib kina Sharon at Robin

Ruben Maria Soriquez bilib kina Sharon at Robin

AMINADO si Ruben Maria Soriquez na hanga siya kina Sharon Cuneta at Robin Padilla. Ayon sa kanya, alam niyang kapwa big stars ang dalawa. Ipinahayag ni Ruben ang kagalakan nang makatrabaho ang Megastar at si Binoe sa Star Cinema movie na Unexpectedly Yours na tumabo sa takilya.

Saad niya, “Happy ako na nakatrabaho siya, masaya kasi katrabaho si Ms. Sharon, always joking. But when she gets into character, mabilis lang niya nagagawa ang eksena niya. In the movie, I play Ricardo, the boss of Patty (Sharon).

“Sayang lang, kasi wala kami scene together ni Robin. But I met him at the premiere night and it was a pleasure and we agreed to meet anew and talk about projects.”

Dagdag ni Direk Ruben, “Oo siyempre naman, sino ba ang hindi mag-e-enjoy na makatrabaho sila? But I would rather say I am humbled and honored to be with stars na katulad ng Megastar at indisputable action star na si Robin.”

Nabanggit din niya ang wish na maidirek ang dalawa sa hinaharap sa magkahiwalay na pelikula. “Yes, gusto ko sila idirek, sina Sharon and Robin sa magkahiwalay na movie. Dapat ay may meeting kami ni Robin, kaya lang ay hindi natuloy dahil sobrang busy ako at sobrang busy din siya. Kapag both of us have time, gusto ko pa rin siya idirek.”

Bakit mo gustong idirek si Robin? “Oh, I like him in the film, Unexpectedly Yours. I like his acting. That’s why, gusto ko siyang idirek din someday sa isang movie.”

Anong theme ng movie, sakaling matuloy ang project mo kay Robin? Sagot niya, “Gusto kong project kay Robin ay action-comedy. Sa palagay ko ay iyon ang bagay sa kanya.”

Si Direk Ruben ay isang Fil-Italian actor/direktor na nagbida sa pelikulang Of Sinners and Saints na siya rin ang director. Co-stars niya rito sina Polo Ravales, Richard Quan, Raymond Bagatsing, Channel Latorre, at Althea Vega. Dito rin siya nanalong Best Actor sa 2015 World Premieres Film Festival-Philippines. Mula rito ay naging bahagi siya ng Dolce Amore na pinagbidahan nina Liza Soberano at Enrique Gil, at dito’y lalo siyang nakilala ng madla bilang Italyanong ama-amahan ni Liza.

Si Direk Ruben ay tampok sa forthcoming movie titled The Lease, isang paranormal thriller directed by Italian director Paolo Bertola with Garie Concepcion. At sa The Spiders’ Man, isang black comedy na hinggil sa autism and family ties, na ang ilang eksena ay kinunan pa sa Italy. Kasama ni Direk Ruben dito sina Richard Quan, Jeffrey Tam, Lee O’Brian, Rob Sy, Red Ibasco, at ang misis niyang si Lanie Gumarang.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright © 2009 - 2017 hatawtabloid.com | All Rights Reserved