Categories: Opinion

Digong, Imee OK sa unilateral ceasefire

MUKHANG “nagdilang angel” si Ilocos Norte Go­vernor Imee Marcos matapos manawagan kay Pangulong  Rodrigo  “Digong” Duterte na magdeklara ng unilateral ceasefire ang pamahalaan laban sa mga rebeldeng komunista ngayong kapaskuhan.

Inayunan ni Digong ang hiling ni Imee na isang unilateral ceasefire ang gawin ng pamahalaan ngayon 24 Disyembre hanggang 2 Enero para maipagdiwang ang araw ng Pasko nang higit na mapayapa at walang nagaganap na patayan sa pagitan ng mga sundalo at NPA.

Bagamat pormal nang winakasan ni Digong ang peace talks ng gobyerno sa grupong Komunista nitong 23 Nobyembre sa pamamagitan ng Proclamation 360, nagawa pa rin magde­klara ng unilateral ceasefire ang pangulo laban sa mga pasaway na komunista.

Ngayon, ang bola ay nasa kamay ng CPP-NPA, kung sila ay magdedeklara rin ng sarili nilang tigil-putukan. Nakalulungkot dahil sa kabila ng pagmamayabang nitong si Joma Sison, pinuno ng CPP, na hangarin nila ay tunay na kapayapaan, hanggang ngayon ay hindi nagpapahiwatig na magdedeklara sila ng sariling ceasefire.

Ang unilateral ceasefire ay magsisimula sa 24 Disyembre at magtatapos sa 2 Enero ng su­sunod na  taon.  Ang tropa ng pamahalaan ay hindi maglulunsad ng opensibang militar nga­yong panahon ng kapaskuhan batay na rin sa kautusan ni Digong.

Masaya si Imee sa unilateral ceasefire na idineklara ni Digong dahil higit na pinalawig pa nito ang kanyang mungkahing dalawang araw na tigil-putukan.

Umaasa rin si Imee na magdedeklara rin ng ceasefire ang grupo ng mga NPA.

Kung tunay ngang nakaiintindi ng propaganda ang mga rebeldeng komunista, gaya ng kanilang ipinagmamalaki, dapat  ay tugunan nila ng kapantay na aksiyon ang naging desisyon ng pamahalaan na magsagawa ng unilateral ceasefire.

Lalong magiging pangit ang imahe ng NPA sa mata ng taongbayan kung tatalikuran nila ang panawagan ng pamahalaan na magdeklara rin sila ng sarili nilang tigil-putukan para sa diwa ng kapaskuhan.

Lalabas din ang tunay na walang kinikilalang Diyos ang mga rebeldeng komunista kung ipagpipilitan nilang ituloy ang giyera sa gitna ng pagdiriwang ng kapaskuhan  ng maraming Katolikong Filipino.

Kung tutuusin, naisahan ni Digong ang mga rebeldeng komunista kung ang pag-uusapan ay propaganda.

Kumbaga, second prize na lang ang grupo ni Joma kung magdedeklara man sila ngayon ng unilateral ceasfire. ‘Ika, nga, huling-kabit na lang ang hirit ni Joma.

Sayang talaga ang pagkakataon, inaksaya lang ni Joma ang peace talks, at ngayon naman ang tigil-putukan.

COMMENTS
Mat Vicencio

Share
Published by
Mat Vicencio

Recent Posts

COP sa Bulacan tiklo sa kotong

INIHAHANDA ng mga awtoridad ang isasam­pang kaso laban sa isang hepe ng pulisya sa Bulacan na inaresto dahil sa pangongotong sa…

4 hours ago

Bagyong Paeng pumasok na sa PAR

PUMASOK na ang typhoon Trami sa Philip­pine Area of Responsi­bility (PAR) at ngayon ay tinatawag na ito sa local designation…

4 hours ago

Med rep pinatay sa saksak (Nobyo kausap sa mobile phone)

CAINTA, Rizal – PATAY ang isang lady medical represen­tantive sa kaniyang bahay sa bayang ito sa sampung beses na saksak…

4 hours ago

3 sa 5 Pinoy kombinsidong human rights violation (Pagdakip sa tambay)

TATLO sa limang Filipino ang naniniwalang paglabag sa karapatang pantao ang pagdakip ng mga pulis sa tambay, ayon sa survey…

4 hours ago

Communist insurgency seryosong tapusin ni Duterte

PABOR ang Palasyo sa panukalang  magtatag ng isang task force na may layuning tuldukan ang halos kalahating siglong communist insurgency…

4 hours ago

Serbisyong Lim na “from womb to tomb” paiigtingin

HIGIT na aktibong kam­pan­ya laban sa ile­gal na droga at pag­babalik sa mas malawak na libreng ‘from womb to tomb’…

4 hours ago