Friday , March 29 2024
fire sunog bombero

77-anyos lolo, 1 pa patay sa posporo (5 sugatan, Senior citizen nawawala)

PATAY ang dalawa katao habang lima ang sugatan at isa ang nawawala makaraan masunog ang ilang kabahayan sa Loreto St., Sampaloc, Maynila, nitong Miyerkoles ng umaga.

Ayon sa ulat ng pulisya, tinatayang 30 pamilya ang nawalan ng tirahan makaraan matupok ang 10 bahay.

Napag-alaman, nagsimula ang sunog bandang 10:20 at naapula dakong 11:23 am. Umabot ang sunog sa ikaapat na alarma.

Pagkaraan, natagpuan ng mga awtoridad ang bangkay ni Anastacio Cruz, 77, habang hinahanap ang isa pang matanda.

Samantala, hindi pa nakukuha ang pagkakakilanlan ng isa pang biktimang namatay sa insidente.

Ayon pa sa ulat, tumalon mula sa pinakamataas na palapag ng bahay ang apat miyembro ng pamilya kaya nabalian ng buto si Maria Gonda, 66, at nasugatan ang kanyang anak na si Mary Ann Felipe, 42. Hindi nasaktan ang dalawang anak ni Mary Ann.

Nasugatan habang inaapula ang sunog ang dalawang bombero na sina FO1 John Macris Natividad at FO1 Richie Catle. At itinakbo sa ospital ang isang hindi pa nakilalang indibiduwal.

Inihayag ni Chief Insp. Crosib Cante, ground commander ng Manila Fire Dept., sa ikalawang palapag ng bahay na inuupahan ng isang Boy Artus, nagsimula ang apoy dahil sa umano’y ilegal na koneksiyon ng koryente.

Ngunit sinabi ni Rosemari Villota, nakatira sa ibaba ng bahay na pinagmulan ng sunog, nagsimula ang apoy dahil sa mga batang naglalaro umano ng posporo.

Inaalam ng mga awtoridad ang halaga ng natupok na mga ari-arian sa insidente.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *