Wednesday , October 17 2018
Breaking News
You are here: Home / News / TODA leader todas sa suntukan
TODA leader todas sa suntukan

TODA leader todas sa suntukan

BINAWIAN ng buhay ang isang tricycle driver na lider ng Barangay 71 Tricycle Operators and Drivers Association (TODA) makaraan makipagsuntukan sa isa sa kanyang miyembro na nam-bully sa isa pang miyembro sa Caloocan City, kamakalawa ng gabi.

Hindi umabot nang buhay sa Caloocan City Medical Center ang biktimang si Joseph Arcega, 52, residente sa Stotsenberg St., Bukid, ng nabanggit na lungsod, makaraan mawalan ng malay dahil sa suntok na tumama sa kanyang ulo.

READ MORE:  Parak tigbak sa ligis at kaladkad ng truck

Nahaharap sa kasong homicide ang suspek na si Abiger Cruz, 35, residente rin sa nabanggit na lugar na agad binitbit ng mga barangay tanod.

Sa isinumiteng report kay Chief Insp. Roden Santos Tejuco, hepe ng Caloocan Police Station Investigation Division, naganap ang insidente dakong 8:00 pm sa terminal ng tricycle sa kanto ng Florencia St., at 12th Avenue.

READ MORE:  Central Mindanao inalerto vs resbak ng drug lords

Napag-alaman, pabalik sa terminal ang isang miyembro ng TODA na si Jerry Ramos, 51, lulan ng tricycle, nang makita ang suspek habang nakatambay sa kanto ng Florencia at Francisco streets na tila may hinihintay.

Nang paparada na si Ramos sa terminal, nilapitan siya ng suspek at sinabing bakit hindi man lamang siya isinakay at pagkaraan ay hinamon ng suntukan ang una.

READ MORE:  ‘Wag mabahala sa EJKs — Palasyo

Nasaksihan ni Arcega ang insidente kaya kinompronta ang suspek na humantong sa kanilang suntukan.

Inawat ang dalawa ng mga barangay tanod ngunit habang nasa barangay hall ay biglang nawalan ng malay ang biktima at binawian ng buhay.

 (ROMMEL SALES)

 

COMMENTS

About Rommel Sales

Scroll To Top
 

Copyright hatawtabloid.com | All Rights Reserved