Friday , March 29 2024

2 pulis, 6 scalpers arestado sa QCPD (Ticket sa Ateneo-La Salle match overpriced)

DALAWANG pulis-Kyusi at anim na ticket scalpers o nagbebenta ng tiket sa sobrang mahal na presyo para sa Game 3 ng UAAP Season 80, ang inaresto ng mga operatiba ng Quezon City Police District (QCPD) sa bisinidad ng Araneta Coliseum sa Cubao, Quezon City, kamakalawa ng hapon.

Sa ulat kay QCPD director, Chief Supt. Guillermo Lorenzo T. Eleazar, ang inarestong mga pulis ay sina SPO4 Rudy Bala at SPO4 Reynaldo Frias, kapwa nakatalaga sa Cubao Police Station 7.

Habang ang dinakip na mga sibilyan ay sina Romeo Panopio, Maximo Dayandante, Michael Segismundo, Almer Mercado, Artemio Comon, at Faustino Valenzona.

Nitong Linggo, dakong 3:00 pm, nagkasa ng operasyon ang mga tauhan ng District Special Operational Unit (DSOU) makaraan makakuha ng impormasyon na nagka­lat ang mga scalper sa lugar para sa laban ng Ateneo Blue Eagles at De La Salle Green Archers.

Nagresulta ang operasyon sa pagkakadakip sa walong suspek, kabilang ang dalawang pulis.

Ayon kay Senior Inspector Paterno Domon­don, ang patron seat na P450 ang halaga ay ibinebenta sa presyong P6,000, habang ang Standing Room Only ticket na P350 ang presyo, ay ibinibenta sa ha-lagang P1,500.

Paliwanag ng mga suspek, suma-sideline lang sila kaya nila sinamantala ang pagkaka-taon na kumita dahil alam nila na kahit anong mahal ng ticket ay papatusin ito ng diehard UAAP fans. Hiyang-hiya ang dalawang pulis sa kanilang ginawa at humingi ng paumanhin. Itinanggi nilang may kasabwat sila sa loob kaya nila nagagawang pumakyaw ng mga ticket.

Mahaharap ang walo sa paglabag sa City Ordinance 493 o Anti-Scalping na may katapat na piyansang P2,000.

(ALMAR DANGUILAN)

About Almar Danguilan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *