Saturday , May 26 2018
Breaking News
You are here: Home / News / Estudyante arestado sa rape
Estudyante arestado sa rape

Estudyante arestado sa rape

ARESTADO sa mga pulis ang isang 22-anyos estudyante sa kolehiyo makaraan ireklamo ng panggagahasa ng isang event coordinator sa loob mismo ng bahay ng suspek sa Navotas City, kamakalawa ng madaling-araw.

Isinailalim muna sa medical examination sa Navotas City Hospital ng mga tauhan ng Police Community Precinct (PCP-2) ang suspek na si Roy Benson Roldan ng Kapalaran St., Brgy. Daanghari, Navotas City, bago dinala sa Navotas Police Women and Children’s Protection Desk (WCPD) upang imbestigahan.

Batay sa ulat ni PO1 April Lyn Bravo ng Navotas Police WCPD, nangyari ang panghahalay dakong 4:00 ng ma-daling-araw sa loob ng bahay ni Roldan.

Natutulog umano ang biktimang itinago sa pangalang Digna nang magising siya nang dumating ang lasing na suspek.

Sa pamamagitan ng pananakot, sapilitang hinubaran ng suspek ang biktima at pinagsamantalahan.

Makaraan ang panghahalay, agad nagtungo ang biktima sa Navotas PCP-2 upang maghain ng reklamo na nagresulta sa pagkakadakip sa suspek.

Hindi binanggit sa ulat ng pulisya kung bakit natutulog sa bahay ng suspek ang biktimang residente sa Brgy. Panghulo, Malabon City.

(ROMMEL SALES)

COMMENTS

About Rommel Sales

Scroll To Top
 

Copyright © 2009 - 2017 hatawtabloid.com | All Rights Reserved