Categories: News

Seal of Good Local Governance nakamit ng Navotas

MAKARAAN makakuha ng unqualified opinion, ang pinakamataas na marka mula sa Commission on Audit, nakamit ng Navotas ang 2017 Seal of Good Local Governance (SGLG) mula sa Department of the Interior and Local Government (DILG).

Isa ang Navotas sa walong siyudad sa kalakhang Maynila ang nabigyan ng SGLG.

“Lubos kaming nagpapasalamat na nakatanggap kami ng pinakamataas na parangal na binibigay ng DILG sa mga LGU. Isa lamang itong pagpapatunay na nasa tamang landas kami sa usapin ng serbisyo publiko,” ani Mayor John Rey Tiangco.

Pinasalamatan din niya ang lahat ng mga tumulong para makamit ang nasabing parangal. Nagpaalala siya na dapat patuloy lamang ang pagbibigay ng taus-pusong serbisyo sa mga Na­voteño.

“Ipinapaabot ko ang aking pasasalamat sa aming Sanggunian, mga department heads, mga kawani ng city hall, at iba pang mga opisyal. Dahil sa kanilang pagpupursige na sundin ang best practices sa pamamahala at paglilingkod sa mama­ma­yan kaya namin nakamit ang ganitong tagumpay.”

Pinasalamatan din niya ang mga residente sa patuloy nilang pagsuporta sa administrasyon ni Tiangco.

“Marami na tayong natupad, pero marami pa rin tayong dapat gawin. Nararapat lang na ialay sa mga Navoteño ang epektibo, tapat, at mapagkakatiwalaang pamahalaan na nagbibigay-prayoridad sa kanilang mga pangangailangan at mga pangarap sa buhay,” dagdag pa niya.

Sa pamamagitan ng SGLG, kinikilala ng pambansang pamahalaan ang mga LGU na nagpapakita ng mahusay na pamamahala.

Sa taong ito, kailangang ipasa ng SGLG awardees ang mas mahirap na pagtatasa ng DILG gamit ang 4+1 principle.

Para makatanggap ng award, kailangang ipasa ng isang LGU ang lahat ng core assessment areas tulad ng Financial Administration, Disaster Preparedness, Social Protection, at Peace and Order.

Kailangan ding matugunan ng isang LGU ang kahit isa sa mga essential assessment areas tulad ng Environmental Management, Business-Friendliness and Competitiveness, at Tourism, Culture and the Arts.

(JUN DAVID)

COMMENTS
Jun David

Share
Published by
Jun David

Recent Posts

GRO ‘di natikman videoke bar niratrat 4 patay (Sa Cagayan)

APAT katao ang patay makaraan pag­babarilin ng mga suspek ang isang videoke bar nang hindi pumayag na makipagtalik sa kanila…

5 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

6 hours ago

51 container vans ng basura mula sa South Korea itinambak sa PH?

HETO na naman, sanrekwang basura na naman ang dumating sa bansa sa pamamagitan ng mga container port. Kung dati ay…

6 hours ago

PITX walang support system mula sa DOTr? (Para sa maayos na trapiko o lip service lang?)

NOONG una nating mabalitaan ang tungkol sa Parañaque Integrated Terminal Exchange (PITX), isa tayo sa mga natuwa. Inisip natin, isa…

14 hours ago

Natapilok na paa pinagaling ng Krystall Herbal Oil

Dear Madam Fely Guy Ong, Matagal ko nang subok ang Krystall Herbal Oil ninyo. Katunayan lagi ko nga itong ipinangreregalo…

14 hours ago

Politika salot sa ekonomiya ng bansa, promise!

KAHIT mangmang na nilalang ay mauunawaan na kapag sobra ang pera sa sirkulasyon at wala namang kaukulang produksiyon ay malamang…

14 hours ago