Wednesday , February 21 2018
Breaking News
You are here: Home / News / ‘Chedeng’ ng Indonesian diplomat nagliyab sa EDSA

‘Chedeng’ ng Indonesian diplomat nagliyab sa EDSA

NASUNOG ang isang bagong diplomat vehicle sa bahagi ng EDSA at Buendia, Makati City, nitong Lunes ng gabi

Ayon sa Makati Bureau of Fire Protection,  nasunog ang isang itim na Mercedes Benz, may plakang 1457, isang diplomat vehicle ng Indonesia, dakong 9:30 ng gabi.

HALOS hindi na mapakikinabangan ang diplomatic vehicle ng Indonesian Embassy na isang itim na Mercedes Benz makaraan magliyab habang binabagtas ang kahabaan ng EDSA, Makati City nitong Lunes. (ERIC JAYSON DREW)

Sinabi ni Metropolitan Manila Development Authority (MMDA) Traffic Enforcer Cesar Detera, minamaneho ang diplomat vehicle ng driver ni Major Kes Indra Lesmana, Assistant to the Defense Attache sa Indonesian Embassy dito sa Fi-lipinas, nang umusok ang bandang ilalim ng una-han ng sasakyan

Mabilis na nakalabas ang driver at ang pasahero bago tuluyang nasunog ang nasabing sasakyan.

Sinabi ni Detera, sinubukan nilang apulain ng fire extinguisher ang nasusunog na  kotse ngunit hindi kinaya at agad lumaki ang apoy.

Naapula ang apoy 10:00 ng gabi ng mga bombero.

Iniimbestigahan ng BFP ang posibleng dahilan nang pagliyab ng sasakyan ng diplomat .

(JAJA GARCIA)

COMMENTS

About Jaja Garcia

Scroll To Top
 

Copyright © 2009 - 2017 hatawtabloid.com | All Rights Reserved