Tuesday , March 19 2024
mabel cama

Suspek sa bank teller na ginahasa’t pinatay, arestado

ARESTADO ng pulisya nitong Linggo, ang pangunahing suspek sa panggagahasa at pagpatay sa isang 22-anyos bank teller sa Pasig City.

Kinilala ni Pasig police chief, Senior Supt. Orlando Yebra ang suspek na si Randy Oavenada, empleyado at residente sa isang abandonadong office building.

Tumugma aniya ang mga fingerprint ni Oave­nada sa mga sample sa cellphone na narekober malapit sa bangkay ng biktima, gayondin sa mismong katawan ng bank teller.

Nagpositibo rin sa paggamit ng droga ang suspek, dagdag ni Yebra.

Nasa kustodiya ng Pasig police si Oavenada habang pinaghahanap ang isa pang suspek sa insidente.

Magugunitang inihayag  ng pulisya na isang saksi ang huling nakakitang buhay sa biktimang si Mabel Cama habang kumakatok sa gate ng kanyang residential compound sa Ortigas Avenue Extension nitong 10 Nobyembre ng gabi. Ilang lalaki umano ang umaa­ligid noon sa biktima.

Nitong 12 Nobyembre, natagpuan ang halos hubad na bangkay ni Cama sa isang abandonadong office building, 40 metro ang layo mula sa kanyang bahay.

Ilang oras bago ito, may nagtangkang sumunog sa gusali, ngunit naapula ito ng mga residente. Walang residenteng pumasok sa gusali kaya inabot ng tanghali bago natagpuan ang bangkay ni Cama.

 (ED MORENO)

About Ed Moreno

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *