Tuesday , March 19 2024

Aiza, kinantahan si Isabel

HINDI kami nakarating sa huling lamay para kay Isabel Granada na gusto sana naming puntahan dahil sa napakatinding traffic sa buong Metro Manila yata noong gabing iyon dahil sa pagdating ng mga head of state na kasali sa Asean Summit. Gumagalaw lamang nang bahagya ang ibang mga sasakyan, pero ang EDSA, imposible talaga.

Pero nang dumating kami sa bahay ng gabing iyon, parang nagbalik sa amin ang trabaho ng “deskman” noong araw na tumatanggap ng istorya ng mga “reporter” sa rami ng tawag na aming natanggap na ang kuwento ay iisa, iyong huling lamay kay Isabel. Mukhang lahat yata ng kakilala namin ay galing sa lamay na iyon.

Marami nga sa mga kaibigan ni Isabel na nag-share ng lahat ng kanilang mga magagandang pinagsamahan noong nabubuhay pa ang aktres. Kumanta pa nga raw para kay Isabel ang kanyang kaibigang si Aiza Seguerra. Tapos para naman sa kanilang pamilya, ang nagbigay ng response ay ang kanyang partner si Arnel Cowley.

Bihira ang nakaaalam kung sino talaga si Arnel, dahil noong magpakasal naman (daw) sina Arnel at Isabel noong October 18, 2015, wala halos nakaaalam. Pero nakita natin sa social media account ni Isabel bago siya namatay na nag-celebrate na nga sila ng kanilang second anniversary. Isa palang Australian citizen si Arnel, 44 years old, at may dalawang anak din sa naunang asawa na kinilalang sina Sarah at Abbey. Negosyante siya at may sariling multi-level marketing firm, iyong Starnet na si Isabel din ang marketing director. In short partners pala sila hindi lang sa buhay kundi sa business din.

Sinasabing nagpakasal ang dalawa matapos na makipag-divorce si Isabel sa unang asawang si Jericho Aguas, kung kanino mayroon naman siyang isang anak, si Hubert. Iyon namang si Aguas ay may kasama na ring iba, hindi maliwanag kung nagpakasal nga rin sila, iyon naman ang dating Viva Hot Babes na si Jaycee Parker.

Tahimik lang si Arnel, siguro ay hindi naman siya sanay sa mga publisidad dahil siya ay isang private person.

HASHTAGS FRANCO,
NALUNOD, PATAY

“IT comes in three’s,” sabi nga sa amin ng isang movie writer na napakahilig magbilang ng mga namamatay sa showbusiness. In fact tatak na niya iyon, alam niya lahat ng mga nauna na.

Hindi pa nga naililibing si Isabel, nasundan na naman ng isa. Nalunod naman sa Davao ang isa sa mga member niyong Hashtags, si Franco FernandezLumanlan. Nagbakasyon lang sila sa isang resort, at nang pauwi na ay sinalubong ng isang malakas na alon ang bangkang kanilang sinasakyan. Nahulog sa bangka si Franco at ang kanyang girlfriend. Mabilis naman silang nasagip pero nang iahon si Franco ay wala na siyang malay. Naisugod pa siya sa isang clinic sa Malita, pero wala na nga siyang buhay nang dumating doon. Nakalulungkot ang pangyayaring iyan, lalo na’t 26 na taong gulang lamang siya, walang sakit, at marami pang pangarap sa buhay na nais matupad. Pero ganyan talaga ang buhay. Hindi mo alam kung kailan magwawakas.

“BAKIT nga ba ganoon, ang daming mga walanghiya sa showbusiness, hindi pa sila ang mauna,” sabi ng isang kasamahan namin. Huwag naman ganoon, kahit na sabihing walanghiya sila.

HATAWAN
Ed de Leon

About Ed de Leon

Check Also

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

blind item

Male sexy star sustentado ng showbiz netizen

ni Ed de Leon MAY tsismis na nagkita raw muli ang isang dating male sexy star at …

Heart Evangelista Chiz Escudero

Heart muling dinamdam ‘di natuloy na ‘pagbubuntis’

HATAWANni Ed de Leon INAMIN ni Heart Evangelista na talagang sumama ang kanyang loob nang hindi magbunga …

Andres Muhlach Atasha Muhlach Juliana Gomez

Atasha, Andres, Juliana umaarangkada ang mga career

HATAWANni Ed de Leon UMAARANGKADA ngayon ang anak ng mga artista. Iyong kambal ni Aga Muhlach na …

Brandon Melo Take Me To Banaue Maureen Wroblewitz Thea Tolentino

American actor Brandon Melo nagtatalon nang makita ang Banaue 

RATED Rni Rommel Gonzales TUWANG-TUWA ang American actor na si Brandon Melo sa pagkakataong ibinigay sa kanya …

Leave a Reply

Your email address will not be published. Required fields are marked *