Saturday , July 21 2018
Breaking News
You are here: Home / News / Pasahero naipit, nakaladkad ng LRT-1
Pasahero naipit,  nakaladkad ng LRT-1

Pasahero naipit, nakaladkad ng LRT-1

SUGATAN ang isang 48-anyos lalaki nang maipit sa pintuan ng tren ng Light Rail Transit (LRT-1) at nakaladkad, sa Pasay City, nitong Lunes ng gabi.

Nilalapatan ng lunas sa Adventist Medical Center ang biktimang si Julieto Eco, ng Tanza Cavite, may mga sugat at galos sa mukha at iba’t ibang bahagi ng  katawan.

Sa ulat na natanggap ng Pasay City Police, dakong 6:00 pm nang mangyari ang insidente sa Gil Puyat Avenue Station (dating Buendia) ng lungsod.

Papasok ng trabaho ang biktima at nagmamadali nang habulin ang tren na paalis na, nakapasok ang kalahating katawan niya kaya naipit sa flatform at pag-andar ay nakaladkad.

Agad nagresponde ang mga guwardiya at isinugod ang biktima sa ospital.

Nakikipag-ugnayan na ang Pasay City Police sa pamunuan ng LRT-1 para sa isinasagawa nilang imbestigas-yon. (JAJA GARCIA)

COMMENTS

About hataw tabloid

Scroll To Top
 

Copyright © 2009 - 2017 hatawtabloid.com | All Rights Reserved