HATAW! D'yaryo ng Bayan hatawtabloid.com
BINAWIAN ng buhay ang isang babae habang sugatan ang kanyang kinakasama nang masagasaan ng trailer truck ang kanilang sinasakyang motorsiklo sa Brgy. Talipapa, Quezon City, nitong Lunes ng gabi.
Hindi umabot nang buhay sa pagamutan si Maribeth Barde habang ang kanyang live-in partner na si Cris Bernal ay kasalukuyang inoobserbahan.
Ayon kay PO3 Andy Sotto ng Quezon City Police District Traffic Sector 6, sumalpok ang motorsiklong sinasakyan ng mga biktima nang bumukas ang pintuan ng isang AUV.
Tumalsik ang mga biktima at nasagasaan nang dumaraang trailer truck.
Papunta sa Balintawak ang mga biktima nang mangyari ang insidente dakong 8:20 pm habang binabaybay ang Quirino Highway.
Parehong nakakulong ang driver ng AUV na si Raymond Sevilla at ang driver ng trailer truck na si Jaime Gutang.
Nahaharap sila sa kasong reckless imprudence resulting in homicide, physical injuries, and da-mage to property.
